بسمة وهبة تشجع عبد الرحمن عرام في ظهوره الأول على "المحور": "اسندني النضارة جديدة"

رحبت الإعلامية بسمة وهبة بالمذيع عبد الرحمن عرام من ذوي الهمم، في أول حلقة يقدمها من برنامج '90 دقيقة' المذاع عبر قناة المحور.

وفي ثاني ظهور لها على الشاشة بعد وعكتها الصحية، قالت بسمة وهبة: 'عبد الرحمن أول ما ابتدى كان متوتر شوية، أنا ومامته تابعنا في الكنترول وكنا قلقانين قلق الأمهات، وهو اسمه على اسم ابني عبد الرحمن.'

وأضافت: 'مكنتش أتصور يا عبد الرحمن إنك شاطر كده، والكاريزما الحلوة طالعة، مذيع مذيع يا جماعة. والله كنت فخورة بإني كنت جزء من الحدث المهم والإنساني والراقي بتحقيق حلم عبد الرحمن عرام.'

وتوجهت بسمة وهبة إلى عبد الرحمن عرام بطلب قائلة: 'أنا نظري ضعيف والنضارة جديدة، إلهي يكرمك النهاردة تسندني، احتمال أغلط أو يحصل حاجة إحنا مذيعين مع بعض.'

يذكر أن الشاب عبد الرحمن عرام شارك بالأمس في حفل 'قادرون باختلاف' بحضور الرئيس عبد الفتاح السيسي، وخلال الحفل سأله الفنان مصطفى شعبان عن حلمه فأجاب: 'أبقى إعلامي ناجح، ويكون لي برنامج، وأول مداخلة أتشرف بها تكون مع حضرتك يا ريس وشرف لي'، ليرد عليه الرئيس ضاحكا: 'إحنا ممكن يا عبد الرحمن نعمل المداخلة دلوقتي.'