بالفيديو - عفاف شعيب: تعرّضت للسحر من امرأة... وهذا كان مصيرها

عفاف شعيب

خلال لقائها في برنامج 'كلام الناس' الذي تقدّمه الإعلامية ياسمين عز عبر قناة 'mbc مصر'، قالت الفنانة عفاف شعيب إنها تعرضت للسحر والشعوذة في فترة ما من حياتها، بالقول: 'ربنا جابلي حقي'. وأضافت: 'أنا خايبة في الزواج واللي عملتلي عمل، العربية اتقلبت بيها وعايشة عاجزة حتى الآن، بعد دعوتي عليها'.

وأشارت شعيب إلى أن تلك المرأة لم تكن شخصية معروفة، و'عملت السحر علشان تاخد جوزي مني وبعدها انفصلنا وحاول يرجع تاني لكني رفضت'.

وروت الفنانة عفاف شعيب خلال اللقاء قصصاً عن زواجها الثاني، قائلةً: 'أذكر واحدة ست كبيرة من الهوانم، خلّفت 3 صبيان وبنتين، وبعد ما أولادها كبروا وخلّصوا جامعة واتوظفوا جوزها اتجوّز عليها، ولما اتجوّز عليها قالت له بالهنا والشفا والصحة والعافية عليك'.

وأضافت: 'الست قالت الراجل قضّى عمره كله وتعب وشقي معايا ومع الولاد كتّر خيره... أنا بصّيت للست وقولت لها أنتي بتتكلمي جد، ردّت قالت آه يكفي أنه جاب لي 5 أولاد زي الورد بالدنيا... فيه ستات كويسة وبتخاف على بيوتها وبتخاف على بيوت ولادها'.