محمد شاهين يفتح النار على حمو بيكا ويهدده.. والأخير ينفي

محمد شاهين وحمو بيكا

فتح المطرب محمد شاهين النار على مطرب المهرجانات حمو بيكا بسبب موقف بينهما خلال الفترة الماضية.

وكتب عبر صفحته الرسمية بـ'فيسبوك': 'أنا مش بتاع لايف واتكلم بشكل رخيص على موضوع مهرجان مع حمو بيكا بس اللي عمله اسمه غدر وقلة قيمة'.

وأضاف: 'من فترة كلمني حمو بيكا في التليفون روحت وسجلنا تراك وبعديها بفترة لقيت بوستر نازل عند واحد من الناس اللي بتصمم البوسترات دي من غير ما أعرف.. كلمت حمو بيكا قولتله إزاي؟.. قالي أنا هنزل في العيد 6 أغاني.. بكلمه في حقوق الأغنية أقل حاجة في حقي يرد يقولي (أنا هاخد الحقوق كلها) على أساس أن النجم المحترم هيعرفني بالناس على أساس أن النجم المحترم أنا شغال عنده رديت قولتله الكلام ده مش هينفع وقفلت معاه'.

وتابع: 'بعديها بعت لي مصمم البوستر وقالي إن الأغنية مش هتنزل وفوجئت النهاردة بنزولها بدون علمي على أساس إيه، أنا هعرف أجيب حقي كويس بالقانون'.

بدوره، ردّ مغني المهرجانات حمو بيكا على اتهامات شاهين، من خلال منشور له على 'فيسبوك' قال فيه: 'بخصوص أغنية قلبي شايل وجع، بتاعتي أنا، واللي اسمه محمد شاهين.. أنا مطلبتش إن الأغنية دي تترفع.. الأغنية دي اترفعت وأنا نايم.. لإني قبل ما أنام كنت عامل لايف، إني مأجل شغلي بالكامل، تضامنا مع إخوتنا في بلدنا التاني فلسطين'.

وأضاف: 'الأغنية تم فتحها والشير بدون علم مني.. والشركة المسئولة عن السوشيال ميديا هي اللي فتحتها.. ملحوظة الأغنية دي أصلًا مش من ضمن شغلي.. تحياتي لكل أخواتي وأهلي وجمهوري الكبير اللي بيحبني ويسمعني في جميع محافظات مصر والوطن العربي.. أنت على رأسي».

وطرح شاهين مؤخراً ديو غنائي يجمعه مع حودة بندق يحمل اسم 'كله طار'، والأغنية من كلمات جوكر والعطار، وألحان بندق.