محمد رمضان يسخر من عمرو أديب بأغنية أطفال!

رد الفنان المصري محمد_رمضان، على الانتقادات التي وجهها له المذيع عمرو_أديب، بعد تقديمه أغنية (جو البنات)، في افتتاح الدورة الخامسة من مهرجان_الجونة السينمائي، خصوصاً بعدما ادعى أديب أن ادارة المهرجان همشت من رمضان وقللت منه وقطعوا الأضواء عليه فور انتهاء فقرته ومنعوه من القاء كلمة على المسرح.

ونشر رمضان مقطعاً من حلقة عمرو أديب- التي عرضت مساء الجمعة وتحدث فيها عنه- ودمج مقطع الحلقة مع أغنية «شو اسمك يا شطور.. أنا اسمي عمور».

كان عمرو علق على حضور رمضان في حفل الافتتاح وقال: 'إدارة المهرجان كل سنة عندها أغنية المهرجان أول سنة 3 دقات كسرت الدنيا السنة اللي فاتت كان في رامي عياش وتامر حسني، السنة دي بدون سبب واضح قرروا أغنية الحفلة يعملها محمد رمضان'.

تابع: 'حصل حاجة غريبة جدًا في أول الحفلة طلبوا من يسرا وسميح ساويرس يقولوا كلمتين عن الحفلة، وفي الآخر جاءت المذيعة الفاضلة وقالت وآخر حاجة عندنا في الحفلة الفنان محمد رمضان ومشيت'.

أضاف: 'محمد رمضان طلع معاه اتنين مطربين اسمهم اقوي من اسمه في الغنا مية مرة جايز هو أقوى في التمثيل، وقبلها على طول المذيعة طلعت يسرا وسميح علشان يقدموا رمضان وهما مكانوش عارفين'.

استرسل عمرو أديب قائلًا 'وفجأة دخل رمضان غنى اغنية جو البنات حاجة ملهاش علاقة بالمهرجان وواضح أنه استعراض اتعمل بسرعة فمكنش حلو، الأغنية قعدت 3 دقايق ملهاش علاقة بأي حاجة ولما خلصت ورمضان هيبدأ يتكلم النور اطفى والمايكروفون فصل ودة شيء غريب لا الأغنية صح ولا اللي اتعمل صح ومحدش فاهم'.

كما تعجب عمرو أديب مرة أخرى من طريقه تقديم محمد رمضان وإغلاق النور بعد 10 ثوان وتساءل 'لو مش عايزينه جايبينه ليه'.