أحمد موسى يحذر من فيديوهات مفبركة له: أنا تاعبهم جدا وعايزين يخلصوا مني

تحدث الإعلامي أحمد موسى عن الفيديوهات التي انتشرت له بالذكاء الاصطناعي ليحذر الجمهور منها ومن تصديقها.

وقال أحمد موسى خلال برنامجه 'على مسئوليتي' عبر قناة 'صدى البلد': 'خلي بالكم من الذكاء الاصطناعي عاملين ليا حاجات بقالهم يومين كده وبيروجوا ليها بالذكاء الاصطناعي لجان كلها من خارج مصر، يعني جايبيني وأنا في البرنامج ومركبين جمل، طالما لجأوا لهذه الطريقة يبقى عندهم حالة فشل رهيبة'.

وتابع أحمد موسى: 'هما دايما بيزوروا لكن كمان يلجأ للذكاء الاصطناعي عشان يعمل فيديو يقول أحمد موسى قال كذا، يبقى أحمد موسى أولا واجعهم أوي أوي وتاعبهم جدا وعايزين يخلصوا منه'.

وأكمل أحمد موسى: 'هما بياخدوا حاجات ويتريقوا مش فارق معايا لكن أنا بقول للمشاهدين والناس اللي ممكن تنخدع أن دا ذكاء اصطناعي من لجان تدار من تركيا وسوريا ولندن وأمريكا، ناخد بالنا'.

وأضاف: 'اللي هيعمل حاجة ضد بلدنا ويهددوا أمن بلدنا لازم نطلع نتكلم ونقول دول مين وتاخدوا بالكم، لأن دا بيعني أنهم وصلوا لمرحلة عايزين أي حاجة تحصل'.

يذكر أن أحمد موسى يقدم برنامج 'على مسئوليتي' من السبت إلى الأربعاء في تمام الثامنة مساء على قناة 'صدى البلد'.