لايف ستايل
موقع كل يوم -في فن
نشر بتاريخ: ٢٦ تشرين الثاني ٢٠٢٢
وجهت الفنانة هند عاكف نصيحة إلى الفنانة ريهام حجاج لتقدم أداء أفضل في أعمالها القادمة.
وفي فقرة من برنامج 'نص الكلام' عرضت الإعلامية راغدة شلهوب مجموعة صور لتختار هند عاكف من بينهما الأفضل.
وعُرضت صورة لريهام حجاج ومي عمر لتختار هند عاكف الأفضل في هذا الجيل، في البداية ضحكت هند ولم تجد إجابة سريعة ثم قالت: ريهام لو بطلت بعض الحاجات البسيطة زي الإنفعال في الأداء لو هديت هتبقى لطيفة.
كما كشفت هند عاكف عن رأيها في بعض النجوم منهم رانيا يوسف وقالت إنها تقدم الإغراء أفضل من روبي.
ومع عرض صورة للمخرج خالد يوسف والمخرجة إيناس الدغيدي قالت: أحب رؤية خالد يوسف الإخراجية.
واعتبرت هند عاكف الاختيار بين محمد هنيدي ومحمد رمضان أمرا محيرا، لكنها فى النهاية اختارت محمد هنيدي متذكرة تعاونهما معا في أعمال فنية عديدة.
كما اختارت هند عاكف الفنانة منى زكي لتكون الأفضل في جيلها.
وخلال اللقاء تحدثت هند عاكف عن أزمتها في حفل افتتاح مهرجان القاهرة السينمائي ولم تتمالك دموعها وهي تحكي تفاصيل ما حدث.
وقالت هند عاكف باكية تعليقا على فيديو منعها من دخول الحفل: ينفع الكلام ده لفنانة مصرية بتشتغل وهي عندها 4 سنين، أنا كان معايا دعوة مش منهم من زميل مش هذكر اسمه، قالي أنا شفت الفيديو بتاعك وأنتي عاوزة تروحي المهرجان هبعتلك دعوتي وطلب مني مبلغش حد أني أخدت الدعوة علشان لو بعتولي يديها لحد تاني.
وتابعت: يوميها أنا نازلة من البيت معايا الدعوة أنا مش ههين نفسي، أنا دمعتي نزلت دلوقتي عشان صعبان عليا تاريخي وتاريخ عيلة عاكف اللي أنا شايلاه طول عمري، لما وصلت معرفش الدعوة كانت فين وقولت استحالة يحصل مشكلة أنا ليا تاريخ وليا وضعي حتى لو بعدت شوية.
وعاتبت هند عاكف الفنان حسين فهمي كرئيس للمهرجان قائلة: المفروض حضرتك كنت بلغت الإدارة والمنظمين أن لو حصل مشكلة على الريد كاربت نحلها إزاي، لو فنانة جاية بيتها وجاهزة يقولولها اتفضلي.
يذكر أن هند عاكف أثارت جدلا كبيرا خلال حفل افتتاح مهرجان القاهرة السينمائي في دورته الـ44 بعد ظهور فيديو لها وهي تتشاجر مع منظمي الحفل لمنعها من دخول 'الريد كاربت' كونها لم يكن معها دعوة، كما أثار الجدل بسبب الفستان الذي ظهرت به وكان مزودا بطبعات لوجوه أشهر نجوم الفن الحاضرين والراحلين مثل حسين فهمي ومحمود عبد العزيز وصباح وأحمد زكي وعادل إمام ونعيمة عاكف وغيرهم من النجوم.
حمل آبلكيشن FilFan ... و(عيش وسط النجوم)