لايف ستايل
موقع كل يوم -فوشيا
نشر بتاريخ: ٢٩ حزيران ٢٠٢٢
أكدت الممثلة الشابة هنادي مهنا أن لديها خطوط حمراء، وتراعي أن تعمل داخل المجتمع المصري، وتتخيل شعور المشاهد عندما يتابعون أي فنان على التلفاز.
وأضافت مهنا أن الفنان قدوة، وقد يكون هناك محبون للمشاهير يقوموا بتقليدهم، لذلك تتمنى أن تكون قدوة للأسر تجاه أبنائها، معلقة: 'مش عاوزة أعمل حاجة تضايقهم أو تكون مختلفة عن مجتمعهم'.
وسخرت النجمة الشابة من شائعات انفصالها عن زوجها الفنان أحمد خالد صالح التي ترددت خلال الفترة الماضية، وقالت: 'الموضوع مضحك وبيضحكني أوي وقلت كويس أنهم مشغولين في الكلام، وده متخيلينا أننا بينا خلافات أحسن مايحسدونا'.
وأضافت هنادي في تصريحات تلفزيونية: 'أكيد زي كل البني أدمين بس مش بتخانق وهو بيغير عليا في حدود الطبيعي، وما بناديني ستو أنا، رغم إن الناس كلها بتقولي كده'.
وعلقت الفنانة هنادي مهنا على رشاقتها وخسارتها لوزنها الزائد، مشيرة إلى أنها مرت بفترات اكتئاب وضغط تسببت بأنها لم تلاحظ زيادة وزنها، 'أنا في أسبانيا كنت متعودة وأنا عايشة في أسبانيا وقت الجامعة كنت بتحرك كتير أوي ومكنش فيه حد بيطبخ فكنت رشيقة ولما جيت مصر كان فيه دلع كتير أوي محشي وحمام ومسقعة ودي حاجات ماينفعش تتساب وماتتاكلش'.
وأوضحت أن الجمهور كان ينتقدها وقتها 'الأعمال اللي كنت بصورها ومش بتنزل كنت بحط فيديوهات من الكواليس على إنستغرام والناس تقولي فين الأعمال إنت بتصوري لنفسك ولا إيه وأنا في الأساس شكلي كان زي دلوقتي بعد فقد الوزن لكن الفترة دي كانت سبب في زيادة وزني حينها'، لافتة إلى أن اكتسابها للوزن كان لفترة مؤقتة ولم يكن ضمن ملامح شخصيتها في السابق.
وشددت على أنه ليس من العيب اللجوء لطبيب تخسيس لمساعدتها على خسارة الوزن قائلة 'جربت حاجات كتيرة جداً وماخستش فروحت لدكتور وأيا كان ما فعلته عند الدكتور عشان أخس لكن الموضوع في النهاية مكنش استسهال وقبل الخطوة دي عملت كل حاجة دايت ورياضة ولكن اضطريت في النهاية لتدخل الطبيب ومش شرط يكون جراحة في أساليب كتيرة جداً للتخسيس'.
كما ذكرت هنادي مهنا أنها تتمنى إقامة حفل زفاف جديد لها لتلتقط فيه الصور بعد خسارة وزنها 'بحب صور فرحي جداً بس بعد ماخسيت ببقى نفسي أعمل فرحي تاني'، مضيفة 'إحنا حضرنا للفرح بسرعة ومكنش فيه وقت أجهز الحاجات الي أنا عايزاها لأني شخصية دقيقة وبحب التفاصيل جداً'.
يذكر أن النجمة هنادي مهنا، شاركت في سباق رمضان الماضي بمسلسل يحمل اسم 'مكتوب عليا' وشاركها البطولة أكرم حسني، وأيتن عامر، وحقق العمل نجاحا كبيرا وقت عرضه.