ياسمين عبد العزيز: وأنا في العناية المركزة قولتلهم هبقى مرتاحة أروح لربنا

روت الفنانة ياسمين عبد العزيز تفاصيل جديدة عن أزمة مرضها خلال حلولها ضيفة على الإعلامية منى الشاذلي في برنامج 'معكم'.

وقالت ياسمين عبد العزيز: 'بعد ما القولون بتاعي اتخرم وقالولي لو معملتش العملية كمان ساعة هموت كنت حاسة إني مش هطلع من العملية وقولت لاخويا الكبير (خلي بالك من ياسمين وسيف) لاني فعلا حسيت اني داخلة مش طالعة'.

وأضافت: 'طلعوني من العملية على العناية المركزة وكان راكب خراطيم في انفي وفمي وبطني وكالونات في رقبتي بسبب صعوبة التركيب وجلست في العناية المركزة 5 أيام واللي بيدخولولي كانوا حاسين اني خلاص والدكاترة قالوا ادعولها دي بتعيش اليوم بيومه'.

وتابعت: 'أنا في العناية المركزة دخلت على جهاز اللي بيدخل عليه 100 حالة بيعيش 10 منهم فقط وقالوا هي اتحطت على جهاز اللي بيدخل فيه مبيطلعش فمنذ بداية العملية لاخرها أنا في غيبوبة'.

وذكرت: 'وجالي وقت وانا في العناية المركزة شعرت إني خلاص وقولتلهم مش قادرة أكمل بسبب الالام والتعب وقولتلهم شيلوا كل حاجة انا خلاص هبقى مرتاحة اني اروح لربنا'.

وبدأت أزمة ياسمين عبد العزيز الصحية منتصف يوليو الماضي، عندما أعلن الفنان أحمد العوضي خضوعها لعملية جراحية وطالب جمهورها بالدعاء لها.

لو فاتك: #شرطة_الموضة: الإطلالات الأجمل والأسوأ في ختام #مهرجان_القاهرة_السينمائي في دورته الـ 43

حمل آبلكيشن FilFan ... و(عيش وسط النجوم)