لايف ستايل
موقع كل يوم -في فن
نشر بتاريخ: ١٠ أب ٢٠٢٢
ردت الفنانة حورية فرغلي على الانتقادات التي وجهت لها بعد مشاركتها في أغنية 'القطة السافلة' مع جيفارا بابلو.
وأكدت حورية فرغلي أن الجزء الذي غنته في 'القطة السافلة' لا يوجد به أي كلمة خارجة.
وقالت حورية فرغلي في لقاء مع et بالعربي: سجلت الأغنية وروحت ومفيش أي حاجة، لقيت مصر كلها بتكتب عني وكلموني قالولي أن مينفعش أعمل كده أنتي مسحتي تاريخك دي أغنية كلها إيحاءات، فين أي كلمة خارجة أنا قولتها أنا واحدة بكلم قطة وفار إيه اللي ممكن أقوله لقطة وفار.
وتابعت: مش هطلب حذف الأغنية هخرب بيت الراجل ليه؟ أنا وافقت لما لقيت اسمي ممكن يخلي الناس عاوزة تسمع الأغنية فتنجح أنا مش ندمانة أني عملتها ومش زعلانة لأني مقولتش حاجة خارجة.
على جانب آخر، كشفت حورية فرغلي عن سبب خلافها مع الفنانة درة.
وقالت الفنانة حورية فرغلي إنها فوجئت بحذف صورتها من أفيش وإعلان فيلم 'مصور قتيل'، بناء على طلب من الفنانة درة.
وأضافت خلال استضافتها في برنامج 'الترابيزة' الذي تقدمه الإعلامية أميرة بدر عبر قناة الشمس : 'أنا مش عايزة أتكلم عنها، مليش علاقة بيها وعمري ما هيبقى في علاقة بينها وبيني، أنا تعبت في الفيلم، ودوري كان أكبر من دور أحمد فهمي، وهي طلبت صورتي ما تتحطش في الأفيش والإعلان، ليه أحمد فهمي وإياد نصار يكونوا على الأفيش وأنا لأ؟'.
وتابعت : 'روحت شركة الإنتاج وإتخانقت معاهم، ورفضت أشتغل معاهم مرة تانية، لكن المنتج غير تيزر الفيلم والأفيش، وبقيت موجودة حتة صغيرة، لكن بعد ما اشتكيت'.
وردا على سؤال هل كان المفترض أن يوضع اسمك أم اسمها في الصدارة؟ قالت 'اسم درة، لكن الاتفاق من الأول صورتي تكون على الأفيش، ودي خطوة ليا ليه تسرقيها مني وتحرميني من تعبي'.
وفيلم 'مصور قتيل' عرض عام 2012، وهو من تأليف عمرو سلامة، إخراج كريم العدل، وشارك في بطولته إياد نصار، درة، المطرب أحمد فهمي، عمر السعيد، ورحمة حسن، وآخرون.
يذكر أن آخر أعمال حورية فرغلي مسلسل 'أيام'، بطولة سلوى خطاب، رياض الخولي، شيري عادل، حورية فرغلي، تأليف سماح الحريري، إخراج محمد أسامة.
حمل آبلكيشن FilFan ... و(عيش وسط النجوم)