لايف ستايل
موقع كل يوم -في فن
نشر بتاريخ: ٢٨ كانون الثاني ٢٠٢٣
تحدث الفنان ماجد الكدواني عن فكرة تقديم جزء ثالث من مسلسل 'موضوع عائلي' بعد النجاح الكبير الذي حققه الجزء الثاني.
وقال ماجد الكدواني خلال مداخلة هاتفية مع الإعلامي عمرو أديب في برنامجه 'الحكاية': اللي يريده ربنا يكون، بعد نهاية الجزء الأول قولنا منعرفش هنقدر نقدم جزء تاني ولا لأ، لكن الحمد لله والشكر لله ربنا أراد وبعت الأفكار الحلوة للأستاذ أحمد الجندي، ويارب إن شاء الله نرتبها مع أستاذ أحمد الجندي وأستاذ أحمد الجنايني، نفكر مع بعض لأن محدش بيشتغل لوحده إحنا كيان واحد وإن شاء الله يارب يكمل.
وأكد ماجد الكدواني أن الهدف من المسلسل هو توصيل بعض الرسائل للجمهور قائلا: الهدف من المسلسل بعيدا عن الترند كان كل هدفنا أن الرسايل توصل للجمهور كنا شايفين أن أحنا في احتياج أن توصل بعض الرسائل الإنسانية والحمد لله أن ربنا قدر يوصلها من خلالنا.
وعن فكرة أن الجزء الثاني يجمع بين الكوميديا والتراجيديا وكيف نجحوا في هذا الأمر: البركة في اللي بيكتبوا وفي الأستاذ أحمد الجندي والمونتاج محمد رحيم، أحنا مكنش هدفنا ندوس أو نستجدي عواطف أو نشحت مشاعر مش عايزين نوصل للوجع لكن نوصل للشجن، ودي براعة أستاذ أحمد الجندي هو عنده خبرة كبيرة.
وتحدث ماجد الكدواني عن مشاهد 'المناجاة' وقال عنه: ببساطة شديدة كل هدفنا نقول أن أي إنسان ممكن يكلم ربنا في أي وقت بأي شكل والأهم أننا مننساش نكلم ربنا، هي مناجاة أي إنسان فينا ممكن يكلم ربنا في أي وقت وهو دا شكل المناجاة أن ممكن في أي لحظة أكلم ربنا وأقول كل اللي في قلبي وأكون واثق وكلي إيمان أن ربنا هيسمعني.
وأصبح الجزء الثاني من مسلسل 'موضوع عائلي' متاحا عبر منصة 'شاهد VIP' وانتهت أحداثه بنهاية مفتوحة فتحت الباب لوجود جزء ثالث وهو ما بدا الجمهور يتحدث عنه ويطالب به.
ومسلسل 'موضوع عائلي 2' فكرة وإخراج أحمد الجندى وسيناريو وحوار محمد عز الدين وكريم يوسف وبطولة ماجد الكدواني، نور، رنا رئيس، محمد شاهين، سما إبراهيم، طه الدسوقى، محمد رضوان، محمد القس، ياسمين ممدوح وافي.
حمل آبلكيشن FilFan ... و(عيش وسط النجوم)