لايف ستايل
موقع كل يوم -فوشيا
نشر بتاريخ: ٤ أب ٢٠٢١
مر عام على الانفجار الضخم الذي هز العاصمة اللبنانية بيروت، والذي ما زالت آثاره المدمرة ماديًا ومعنويًا مستمرة، بخاصة الصدمات النفسية التي تعرض لها سكان العاصمة اللبنانية ومحيطها.
وعلى الرغم من كل ذلك، حاول العديد من اللبنانيين عامة والنجوم خاصة استذكار هذه المأساة التي حلت بيروت من خلال توجيه العديد من الرسائل المؤثرة ومن أبرزهم الممثلة نادين نسيب نجيم التي أعادت نشر صور تظهر حجم الدمار الكبير الذي لحق بمنزلها، بالإضافة لظهور آثار دماء في كل المكان نتيجة الإصابة البالغة التي تعرضت لها حينها وأرفقتها بتعليق كتبت فيه: 'بذكرى 4 آب ما رح ننسى ابداً الجريمة الإنسانية يلي صارت بحق الشعب اللبناني هيدي مش حرب هيدا كان نهار طبيعي متل كل ايام السنة والناس قاعدة ببيوتها بأمان مرتاحة ...فجأة بلحظة وبغفلة عين فجّرونا ! ليش؟ كلنا منعرف الجواب. الله اكبر منكم و الله مع كل انسان اتضرر جسدياً ومعنوياً ومادياً الله يرحم الضحايا و يصبّر اهلهم ،الحجر بيتعوض بس الإنسان ما بيتعوّض ما في شي رح يعوّضنا غير عدالة السما'.
في حين نشرت الفنانة هيفاء وهبي عبر انستغرام صورة لها بالأبيض ظهرت فيها كالعروس تنظر للمرفأ وعلقت عليها بالقول: 'تغير المنظر اللي كنت شوفه من شرفة بيتي المطلة عليك يا مرفأ! كنت أوقف عالشرفة، وشوف بيروت الحلوة، شوف الأضوية والناس عم تتمشى مبسوطة'.
وتابعت: 'هلا صار المنظر جرح.. صرت شم ريحة وجع وصرخة كل شخص فقد غالي عقلبه بالانفجار لكل طفل ولكل شاب ولكل صبية ولإلك يا سحر.. لكم يا ملائكة بالسما بهدى وردة بيضا متل روحكم البريئة الي ما ذنبها !!المنظر اتغير يابيروت.. بترجاكي ارجعيلنا يا حلوة اشتقنالك.. ببوس إيدَك يا لبنان قاوم جبروتهم وقسوتهم ما تروح مطرح ما بدن ياخدوك.. دخيلك يا وطنّا ما إلنا غيرك.. يا سندنا ويا ضهرنا المكسور نحنا حدّك مارح نتركك لترجع توقف عإجريك، وقلّها لبيروت الي راقدة بالعناية الفائقة نحنا واقفين برّا بس عمبيقولولنا الزيارة ممنوعة ما عم بيخلونا نفوت نطمن عليها!'.
أما الفنانة اليسا فقالت:' ما تخيلت بحياتي رح يمرّق علينا كارثة مثل4 آب الماضي انفجار اغتصب العاصمة بيروت وأهلها وكان دماره ووقعه وتأثيره بدقائق معدودة أكثر من الحرب الأهلية اللي عشناها على مدى 15 عام. جرح لبنان مفتوحا الضمير غائب الغضب عارم نحن بحاجة للمساعدة من المجتمع الدولي لتتحقق العدالة'.
الفيديو أعلاه، يعرض المقابلة التي أجراها موقع' فوشيا' مع كل من الفنان سعد رمضان والاعلامي محمد قيس إذ حرصا على توجيه وسائل مؤثرة بذكرى انفجار مرفأ بيروت.
