هجوم على منزل أيتن عامر

آيتن عامر

نشرت الفنانة أيتن عامر، على حسابها الخاص بـ'فيسبوك' منشوراً كشفت من خلاله عن تعرض منزلها للهجوم من قبل مجموعة من الأهالي كانت قد نشبت مشاجرة بينهم وبين أحد العاملين في الشارع الذي تقطن به.

وقالت أيتن، في منشورها: 'خناقة تحت البيت أهل الولد اللي كان بيتخانق طالعين يخبطوا على بيتى وفاكرين إنه اللي اتخانق مع ابنهم بيشتغل معايا ومخبياه وعايزيني أسلمه ليهم، ومكنش في حد في المدخل الوقت ده وطلعوا الدور عندي وخبط فظيع على الباب وعز للأسف مسافر أخدت الولاد وقفلت عليا باب الأوضة'.

وأضافت: 'ومن اللهوجة سبت تليفوناتى برة ملقتش غير الآيباد جنبي ومعرفتش أتصل بحد كتبت أي حد جنبي يجيلى لحد ما فكرت أطلع البلكونة أنده الناس يلحقوني'.

وتابعت: 'الحمد لله طلعوا وكله تمام اطمنوا، والناس فهموهم إن مفيش حد أصلاً تبعى اتخانق واعتذروا ومشيوا المنطقة فيها رجالة'.

الجدير بالذكر أن أيتن عامر قدمت بطولة حكاية 'وأنا قبلت' من مسلسل 'زي القمر' والتي تناولت قضية الفرق العمري بين الأزواج'.