مصطفى كامل: معرفش ويجز ومقصدش الإساءة له لكن محتاج يتقوم

قال الفنان مصطفى كامل إنه تعرض لهجوم بعد تصريحاته الأخيرة حول مطرب الراب ويجز.

وأضاف خلال حواره مع الإعلامي أحمد موسى ببرنامج 'على مسئوليتي' المذاع عبر قناة صدى البلد: 'كنت في برنامج قريب وقلت وجهة نظر شخصية، وفي فرق بين الكلام عن مزاجي الشخصي ولما تكون مسؤول إداري، وأنا قلت إني ضد ومبحبش أسمع ويجز فشتموني'.

وتابع: 'أنا والله ما أعرف ويجز، ولا أقلل من قيمته ولا قصدت الإساءة لشخصه، لكن ابني سمعني ويجز ولقيت نفسي مش مقتنع بحكم تكويني'.

وأكمل: 'ده لا يمنع إن ولادي زعلانين من كلامي عن ويجز، هو راجل محبوب واكتشفت إن ولادي والناس بيحبوه على عيني وراسي، لكن في اللبس والحاجات دي المفروض يتقوم، وطالما الناس بتحبه أهلا وسهلا'.

وكان مصطفى كامل حل ضيفا على برنامج 'حبر سري' المذاع عبر قناة القاهرة والناس، وعلق على الحضور الكبير في حفلات مغني الراب ويجز قائلا: 'ربنا يخلي العبط والهبل والمهابيل والمهاطيل وربنا يزيدهم، وويجز مش عاجبني ولا هيعجبني وأنا لا أدعي حاجة بره شخصيتي، وأنا سمعت بتوع المهرجانات، وسمعته بس مش عارف ولا فاهم بيقول إيه'.

وأوضح مصطفى كامل أنه يعتزم عقد جلسة أبوية مع مطربي الراب والمهرجانات في حال فوزه بمنصب نقيب المهن الموسيقية، وذلك لوضع الضوابط الخاصة بالأغاني والملابس، وصولا إلى الشكل الصحيح لهويتنا الثقافية.

حمل آبلكيشن FilFan ... و(عيش وسط النجوم)