سلاف ورسالة مؤثرة لوالدها الراحل

وجهت الفنانة السورية سلاف_فواخرجي رسالة مؤثرة لروح والدها الذي توفي منذ أيام قليلة، وتعيش من بعده حزناً شديداً.

قالت سلاف في رسالتها:

(شو يعني ادخل البيت وماشوفك

شو يعني دور عليك وما اتبارك بوشك

شو يعني ما إوعى الصبح ع اسمي من تمك

شو يعني يبقى الصدى ويغيب صوتك

شو يعني انت مالك هون بس مّلّلي الدنيه عطرك

وشو يعني يمرق وقت وماتكون وقتي واحمل همك

وشو يعني بطّل اعمل صبي حلاق واحلقلك).

تابعت:

(شو يعني ساعتك ع جنب ومانها بإيدك

شو يعني كتابك مسكّر وباردة مكتبتك

قميصك المكوي بزيادة وبيجامتك وتفاصيلك

الزيتونة كانت ناطرة أول مطرة

انجرح المطر بروحتك ، ونشفت

العنب بطّل حلو ومنه الدمع أحمر

والصبار زاد شوكه قهر وأسى بعدك

والياسمينة دبلت على غيابك مش مصدقة

وبعدها عالباب ناطرتك

يابابا … كنت ضل شوي … اشتقت شمك

لو عشت العمر عمرين ، بحاجتك

وبيبقى بكير وبعد بكير

وماشبعت منك).

سلاف من المؤكد إنها تعيش حزناً كبيراً الآن، وتشعر بكسر شديد بعد فقدان والدها الذي كانت تعتبره أهم شخص في حياتها بعد رحيل والدتها.

تقدس فواخرجي العائلة وتحب لم الشمل كثيراً، ومع فقدان والدها يرحل عمود أسرتها الفقري لذا تمر بفترة عصيبة جداً.