تامر حسين يكشف لأول مرة عن الكوبليه المحذوف من أغنية "يوم تلات" لعمرو دياب

كشف الشاعر الغنائي تامر حسين تفاصيل جديدة عن أشهر أغنياته للنجم عمرو دياب، موضحا أن الكوبليه الأخير من أغنية 'يوم تلات' محذوف، والذي يشير بدوره إلى أن ما يمر به صاحب الأغنية حلم وليس حقيقة.

أضاف تامر حسين خلال حواره مع الإعلامية منى الشاذلي في برنامج 'معكم منى الشاذلي' على قناة cbc، أن الجزء المحذوف يوضح أن القصة فانتازية، قائلا: 'في معلومة بقولهالكم لأول مرة إن الأغنية دي آخرها حلم، واحد كان بيحلم، في فانتازيا، يعني مكنش من الطبيعي حد يقابل 3 بنات مرة والتلاتة يرحبوا بيه ويعزموه وو... فكان في كوبليه محذوف في النهاية'.

وبسؤاله عن الجزء المحذوف، قدّمه تامر حسين لأول مرة في ستوديو 'معكم'، والذي جاء نصه: 'ليه يا نوم صحيت ده يوم على كيفي.. ده حلم كان جميل كسرت مجاديفي.. لو حكيت للناس هيقولوا ده خياله.. هيقولوا لي دي قصة تأليفي'.

على صعيد آخر، أشار تامر حسين إلى أنه كتب أغنية 'قدام مرايتها' لابنته ليان، بينما أغنية 'يتعلموا' لابنه مالك، قائلا: 'قدام مرايتها دي بنتي ليان، لأن أنا شخص مليش خلق أقف استنى حد، ليان نيجي خارجين وإحنا ع الباب تقولي أنا عايزه أغير الفستان فتغير وتقيس كتير وتقولي ده أحسن ولا ده.. وقتها كان عمرها 4 سنين.. ومالك وقتها كان لسه مولود وبشوش فعملت له (اللي عنده ضحكة زي دي)'.

وتطرق لتعاونه مع عمرو دياب في عام 2009 بأغنية 'وياه' قائلا إن الملحن عمرو مصطفى كان لا يتوقع أن يتحمس الهضبة لها، لكنه فور استماعه لها قرر تسجيلها دون أي تعديلات.

وقال تامر حسين عن عمرو دياب: 'كل شوية يكلمني يقول لي عايز أنجح، وبيتلكم جد، أنا الأول قلت بيبالغ، لكن هو طول الوقت لغاية السنة دي بيقول لي عايز أنجح، لازم أنزل أغاني ولازم أغير'.

حمل آبلكيشن FilFan ... و(عيش وسط النجوم)