عمرو أديب عن مسرحية شريهان: "كوكو شانيل" رقصت فجأة على واحدة ونص

وصف الإعلامي عمرو أديب عرض مسرحية 'كوكو شانيل' لشريهان أول أيام العيد على منصة 'شاهد' بأنه الحدث الفني الأهم منذ فترة طويلة.

وخلال تقديمه حلقة السبت من برنامج 'الحكاية' على قناة MBC مصر، قال عمرو أديب: 'اللي يتفرج على المسرحية أول انطباع حيجيله إن المسرحية دي محدش ينفع يعملها غير شريهان، وإن اللي إنت شايفه ده عصير فن كانت بتشربه شريهان الشهور والسنوات الماضية.'

وأضاف: 'إنت شايف مسرحية فيها كل عناصر الإبهار 10 على 10، إضاءة وموسيقى واستعراضات، ساعتين من الدهشة المستمرة.'

وتابع: 'شريهان عاملة كام استعراض، وفجأة في نص المسرحية بقت كوكو شانيل بترقص على واحدة ونص، وإنت لا يسعك إلا أن تنبهر.'