إعلامية مصرية مشهورة تعلن إصابتها للمرة السابعة بهذا المرض

أعلنت الإعلامية المصرية سالي عبد السلام، إصابتها للمرة السابعة بمرض الثعلبة، وقالت: 'دخلت الدوامة دى تانى ! مرض الثعلبة و خلل المناعة للمرة السابعة فى ٥ سنين .

.سبحانك يا رب. يا دوبك لسه مخلصة علاج و كورتيزون و حاولت اخس تانى و ارجع اعالج شعرى من الصيف!'.

وأضافت: 'فى ٥ شهور تعافى بعد ما تتعالج تطلع تانى بالسرعة دى ودى اول مرة تحصل!!! ٣ شهور من الضغط النفسى والعصبى و دى اول حاجة ترجع المرض ده!'

وتابعت عبد السلام: 'حاولت امثل انى كويسة زى ما على طول بعمل بس جسمى كل مرة بيرفض يمثل معايا و ابتلى فى اكتر حاجة كنت بحبها… سبحانك يا رب.. لما الدكتورة تقولى فى اطفال و بنات بقيت تيجى تاخد الحقن وتقول سالى بتاخدها فرحت.. قولت لعلها المنجية من الابتلاء!'

وختمت عبد السلام قائلة: 'ادعولى.. مفيش حاجة تستاهل انك تضغط على نفسك و لاتزعل وتمرض و تموت ! دكتور عاصم فرج شكرا ومفيدة الله يسعدك انك عرفتينى عليه.. د.سماح الملاح و د. سالى و د. هبة انا بدعيلكم عارفة انى ببقى صعبانة عليكم و مش بايدكم الوجع والله .. الحمدلله .. انا لله وانا اليه راجعون'.