رامي جمال يوجه رسالة لأحد المتنمرين: أنت محتاج علاج

وجه الفنان رامي جمال رسالة إلى أحد المتنمرين من أصحاب التعليقات المسيئة.

وتلقى رامي جمال ردا مسيئا من أحد متابعيه الذي تحدث عن استمراره في الغناء رغم إصابته بمرض البهاق.

قال فيه: 'يا أخي أنا مش فاهم يعني ربنا جابلك مرض وعانيت كتير أوي وبعد ما ربنا شفاك راجع برضه، تغني وأنت عارف أن الغنا حرام. أنت مستنى يحصلك أيه تاني'.

ليعيد رامي جمال نشر صورة للتعليق ويوجه رسالة إلى صاحبه، كتب فيها: 'بص يا سيدي أنا ربنا رضاني والحمدلله لسه الابتلاء زي ما هو، بس لو عاوز الحقيقة أنت اللي محتاج علاج من كلامك اللي زي الرصاص'.

وأضاف: 'لو أنا غلط في حاجة، تعتقد أن طريقتك دي ممكن تبقى الصح؟ أنا للأسف إني كنت بشوف أراء الناس الإيجابية والنقد البناء واللي طمعانين في حاجة أفضل، لأن دائما في أفضل طبعا، ف شوفت كلامك على الصبح ومش هقولك غير ربنا يسامحك على القسوة'.

وتابع رامي جمال: 'وده واثق أنه مش حب، واللي هيحسابنا ربنا، يا عالم مين أحسن من مين، وكلنا بشر مش أنبياء، ممكن نخطئ ونصيب والهداية من رب العالمين، يومك أجمل من قلبك إن شاء الله'.

يذكر أن الفترة الحالية تشهد نشاطا فنيا مميز لرامي جمال، الذي طرح عددا من أغنيات ألبومه الجديد 'يستاهل بوستين'، وأخرهم أغنية 'أدبتنا الدنيا' التي صدرت أمس، وهي من كلمات إبراهيم جاد، ألحان محمد أنيس وتوزيع موسيقي وسام عبد المنعم.

حمل آبلكيشن FilFan ... و(عيش وسط النجوم)