هؤلاء النجوم يدافعون عن محمد سامي

منذ أيام قليلة، اعلنت الشركة المتحدة للخدمات الإعلامية، أنه تم اتخاذ قرار بوقف التعامل مع المخرج وكاتب السيناريو محمد_سامي عبد العزيز، بعدما قدم من انتاج المتحدة في شهر_رمضان المنصرم مسلسل (نسل الأغراب) بطولة أحمد_السقا، أمير_كرارة.

عدد كبير من الفنانين شمتوا بسامي وفرحوا بخبر ايقاف التعامل معه، واستغل الكثيرون خلافات سابقة معه، وأخذوا يهاجمونه ويشيدون بقرار الايقاف.

إلا أن البعض الآخر من النجوم، تضامنوا مع سامي، وكتبوا عبارات دعم له في ورطته الكبرى.

من بين هؤلاء نذكر لكم:

أحمد_زاهر:

أنا مش ضد قرار المتحده لان اكيد ده له اسباب و في سبيلها للحل باذن الله انا ضد حمله التشويه البشعه لسمعه و شخص محمد سامي اللي بيقوم بيها بعض الزملاء و بعض اللجان الاليكترونية انا ضد تشويه سمعه اي حد مش بس محمد سامي الراجل ده انا اعرفه من ١١ سنه و اشتغلت معاه اكتر من خمس اعمال مشوفتش منه غير كل خير و احترام و تقدير للموهبه وبقولها وهقولها طول عمري محمد سامي هو اللي غير حياتي بعد اراده ربنا سبحانه و تعالي ولن انسي له هذا الفضل هو اللي خلاني اخس ١٠٠ كيلو عشان تمسك بيا في مسلسل حكايه حياه و ده الدور اللي غير حياتي و تتوالي بعده كم نجاحات و كلها معاه و اخرها فتحي في البرنس و دي كانت نقطه تحول تانيه في حياتي …. تفتكروا اللي شفت منه كل الخير و الاحترام و التقدير و الموهبه و النجاح ده كله مكنش جنبه و ادعمه انا مفيش في ايدي حاجه اعملها غير اني اقول شهاده حق يعلمها الله سبحانه و تعالي وعاوز بس افكركوا ان محمد سامي هو نفس المخرج اللي سقفتوا له كل السنين اللي فاتت).

أيتن_عامر:

(اتفقنا أم اختلفنا على جودة آخر أعماله، لكن ده مش حيخلينى أنكر نجاحاته السابقة وتميزه أبدا أو أشمت في اللى حصل ده).

نور:

(محمد سامي مخرج موهوب وشاطر ومتميز، اشتغلت معاه اكتر من مرة وما شفتش منه غير كل احترام واخوة وتقدير وغيرة على الشغل، و قبل كل ده ابن ناس طيبينومحترمين.

محمد سامي مخرج كبير واعماله بتشهد على كده وبتتكلم عنه، العمل الفني ملك للجمهور والفن وجهات نظر وكل واحد بشوف العمل الفني زي ما هو عايز، ما ينفعشنشمت فبعض ونجرح فبعض خصوصاً ان أحنا زملاء وعارفين مدى التعب والكفاح اللي كل واحد مننا بيقدمه فمكان)

منة_فضالي:

(أنا مش ضد قرار المتحدة، اعرف محمد سامي من سنين وعمري ما اشتغلت معاه انا الشهاده لله لما اشتغلت مع استاذ محمد سامي السنه دي مشوفتش منه حاجهوحشه بلعكس كان محترم جدا معايا واستفدت من الشغل معاه مخرج شاطر جدا وله اعمال كتير ناجحه

وانا مش بطبلو علشان محدش يقول بطبل علشان الشغل انا بقول حق ربنا).

إدوارد:

(أدعم المخرج محمد سامي، ضد حملة التشويه اللي يقوم بها بعض الزملاء، وعلشان كده بقول شهادة حق في المخرج محمد سامي، أنا اشتغلت معاه واتعاملت في الشغل معاه، راجل بيحب شغله جدًا، وبيتعب كتير، اتعامل معايا بكل احترام وحب، وبيحب الممثل جدًا، وبيطلع أحسن ما عنده، وعشان محدش يقول عشان أنا بشتغل معاه، الناس كلها عارفة أني بشتغل معاه ومع غيره، ومش مستني شغل من حد الحمد الله، أنا تاريخي في السينما والدراما كبير، وبشتغل مع ناس كتير، بس دي شهادة حق لازم أقولها).

وأوقفت المجموعة المتحدة للخدمات الإعلامية التعامل مع المخرج محمد سامي بعد انتقادات كبيرة نالها مسلسله الأخير «نسل الأغراب» الذي عرض في رمضان بسبب مشاهد العنف ومحاباة زوجته بطلة العمل مي عمر وشقيقته ريم سامي على حساب باقي الأبطال.

وكانت بعض المصادر الأخرى، اعلنت عن أسباب مختلفة لإيقاف التعامل مع سامي نذكر منها:

– بسبب حالة الاستياء الكبيرة لدي الجميع من مسلسل نسل الأغراب.

– عدم الإلتزام بالسيناريو المتفق عليه مع الشركة المنتجة ووجود تعديلات عديدة وعدم تسليم الحلقات المتبقية في موعدها وكان يتم التصوير علي الهواء مباشرة خصوصاً وان الشركة كان لديها قبل انطلاق العمل 13 حلقة فقط.

– منح زوجته الفنانة مي عمر مساحة تمثيلية أكبر من الدور المتفق عليه واضافة مشاهد لها دون مبرر درامي وذلك علي حساب العمل.

– خلافات عديدة حدثت بين الأبطال أثناء التصوير كانت من الأسباب لرفضهم بعض ما يحدث.

– العمل خرجت عن الاطار المتفق عليه.

ويبدو أن الشركة المتحدة تعلم جيداً بكم الأخطاء والمهازل التي شهدها مسلسل (نسل الأغراب)، وقد تكون اتخذت قرارها بعدم التعاون مع سامي مجدداً لهذا السبب.

سامي في ورطة كبرى الآن، لأن الشركة المتحدة تسيطر على كافة الانتاجات والخدمات الإعلامية والإعلانية في مصر، ما يعني أن قرار ايقافه سيتضرر منه كثيراً.

وحتى الآن لم يعلق سامي على هذا القرار، ويلتزم الصمت.