محمد سليمان عبد المالك عن قاتل سلمى بهجت: طفل تحول لمسخ وقرر يهز عرش الإله بجريمة مزلزلة

علق الكاتب محمد سليمان عبد المالك على مقتل سلمى بهجت، الطالبة بكلية الإعلام بأكاديمية الشروق، على يد زميل لها قبل أيام.

وكتب محمد سليمان عبد المالك عبر حسابه في موقع التواصل الاجتماعي فيسبوك: 'من امبارح وانا بحاول اتجاوز الجولة اللي خدتها في بروفايل قاتل سلمى، واللي اول بوست فيه من ٢٠١٤، يعني كان عنده ١٤ سنة'.

وأضاف: 'بحاول اتجاوز صور الطفل اللي شفتها لحد ما بقا شاب ودخل الجامعة واتحول لهذا المسخ اللي قرر يهز عرش الإله بجريمة مزلزلة'.

وتابع: 'بحاول أفهم ازاي شخص عادي ممكن تكون قابلت زيه في يومك ناس كتير، هو عبارة عن مشروع قاتل قعد يهدد ويتوعد على جروبات وستوريهات السوشيال ميديا، لحد ما خد سكينة قرر ينهي بيها حياة شابة مفروض إنه بيحبها'.

وأكمل: 'بحاول أعدي الفيلم القصير اللي عمله باسمها، واللي هو عبارة عن فوضى تامة من أفكار سطحية غير مرتبة وغير مترابطة مليانة قيم مزيفة ملهاش معنى، بحاول أتجاهل الرعب المستخبي في كل كلمة، في كل سطر، في كل لقطة، وأنسى الألم والانزعاج، وإحساس القلق من ولاد كتير حوالينا ممكن يكونوا مشاريع قتلة قيد التحضير باسم الحب والغيرة والانتقام، واحنا دافنين راسنا في الرمل، وعاملين مش واخدين بالنا'.

وكانت الأجهزة الأمنية قد تمكنت من ضبط 'إسلام' مرتكب الجريمة، بدائرة قسم شرطة أول الزقازيق بالشرقية، مستخدماً سلاح أبيض 'سكين' مما أدى إلى وفاتها، وبمواجهته اعترف بارتكاب الواقعة بدافع الانتقام منها، وتم اتخاذ الإجراءات القانونية وتولت النيابة العامة التحقيق.

حمل آبلكيشن FilFan ... و(عيش وسط النجوم)