محمد رمضان: أشعر بتحامل عليّ!

تحدث النجم المصري محمد_رمضان، عن الجدل الكبير الذي يثار بمجرد ذكر اسمه، وقال خلال ندوة على هامش فعاليات مهرجان الأقصر للسينما الأفريقية، إن الجميع يتحامل عليه ويضعوه تحت ضغط كبير.

وأضاف محمد رمضان، خلال ندوته: 'أنا لسة مخلص جيش من سنة، وحاسس إن في ضغط كبير وتحامل عليا، وبيتقالي قوم اشتغل أنت لسة معملتش حاجة'.

وتابع: 'أنا قعدت مع كل الطبقات ولمستها، ولازم يكون عندي ذاكرة من صور وفيديوهات للناس الحقيقية مش المتصنعين'.

وواصل محمد رمضان حديثه عن جمهوره قائلا: 'اللي بيني وبين جمهوري هو الشغل بس والكلمة الطيبة، لأن أنا كان لما حد يزعلني كنت برد بطريقة تزعل الناس مني، فأنا بتعلم والله وبوعد الناس إن كل سنة يحسوا إني بتغير للأحسن إن شاء الله'.

واختتم: 'بحب أكون مركز مع أراء الناس الجماهيرية والشعبية والإيرادات، والشعبية تزيد وكل سنة أكسب طبقة عمرية وشريحة مجتمعية جديدة من خلال تنوع أعمالي'.