حلا شيحة ترد على والدها بصورة وهي مرتدية الحجاب.. وهكذا علقت

نشرت الفنانة المصرية المعتزلة حلا شيحة صورة وهي مرتدية الحجاب، وذلك كردّ على والدها الذي أعلن في تصريحات إذاعية الاثنين أن ابنته غير محجبة الآن.

وعلقت حلا على الصورة قائلة: 'مفيش أجمل من السعادة الروحية والسلام الداخلي.. الحمد لله'.

وكان الفنان التشكيلي أحمد شيحة علق على قرار ابتعاد ابنته عن الوسط الفني، معلنا أنها لا ترتدى الحجاب الآن، وعندما قررت خلعه كان قرارها بمفردها دون أن يؤثر عليها أي شخص.

وأضاف: 'حلا لما لبست الحجاب قولتها هيجي يوم حينما يمتلئ إيمانك هتعرفي إن ده لا دخل له بالله، ولما عادت ورفعت الحجاب رفعته بدون ما حد يأثر عليها وهى كانت قرأت طن كتب في الموضوع، وهي دلوقتي غير محجبة'.

كما تطرق للحديث عن ظهور مذيعات محجبات قائلا إن 'هذا يعد تمييزا، والتلفزيون في الماضي كان لديه شروط في ظهور أي إعلامي على الشاشات، منها أن يكون محايدا'.

وكانت الفنانة حلا شيحة قد بدأت بالظهور مرتدية الحجاب في فبراير الماضي بعد زواجها من الداعية معز مسعود.

وأثارت حلا شيحة في يوليو الماضي جدلا واسعا بعد اعتراضها على عرض كليب أغنية 'بحبك'، من فيلم 'مش أنا'، الذي شاركت في بطولته مع الفنان تامر حسني.

وبدأت الأزمة مع نشر الفنانة حلا شيحة عبر صفحتها في موقع 'إنستغرام'، تعليقا مطولا قالت فيه: 'أنا اتفاجئت جدا بنزول كليب يجمع فيه مشاهد متفرقة من الفيلم وفي أيام ذي الحجة أيام مباركة وخصوصاً بعد آخر بوست نزلته ووضحت فيه أنا إيه'.

وأضافت: 'اتفاجئت أكتر خصوصا ًبعد وعد تامر حسني ليا وتأكيده أنه ح يحترم رغبتي وبعض الطلبات اللي طلبتها منه بكل احترام وود الصيف اللي فات وأكد لي أنه ح يحترم رغبتي'.

وتابعت حلا: 'إحنا يمكن نجحنا بمقايس الدنيا بس صدقوني بمقياس ربنا إحنا لم ولن ننجح، أنا عارفة ومتأكدة إن زملائي جواهم خير، بس للأسف فتنة الشهرة والنجاح مش بتخلينا نشوف ونقيس الأمور صح'.

واستكملت: 'بتكلم من قلبي الكليب ده ميرضيش ربنا وأنا عيطت لأني شفت نفسي في المشاهد دي، دي كانت زلة نتيجة ظروف مريت بيها وكلنا بنغلط ولازم نغلط علشان احنا بشر بس المصيبه اننا بنغفل وبننسى'.

ولفتت: 'أنا مش حتكسف من حد أنا تبت من المشاهد دي وهي لا تصح وأنا غلطت وبصلح وأهم حاجة إن ربنا يرضى عني لأن في الآخر ده اللي حينفعنا مش الشهرة ولا النجاح لا هو مش نجاح أصلا، علشان النجاح الحقيقي حاجة تانية خالص إحنا أغلبنا ناسينها إلا القليلين، الفن لو بيخلينا نبعد عن منهج ربنا ومتبقاش قدوة لولادنا يبقى باطل وميبقاش فن'.

حلا وجهت أيضا رسالة للفنان تامر حسني قائلة: 'إحنا كلنا عندنا امتحان في الدنيا دي وحابة أفكرك بالفيديو ده يا تامر اللي قلت فيه أنا مش بتمنى أموت وأنا مطرب، أنا دايما خايف من كده، كلام أكيد قولته في لحظة صدق جواك وجوانا كلنا'.