«المحافظة 15» يعيد ثنائيات الدراما اللبنانية المحبوبة إلى الشاشة

زاد الاردن الاخباري -

تستعيد الدراما اللبنانية ذكريات الجمهور مع مسلسل "المحافظة 15"، إذ تعود ثنائيات محبوبة مثل كارين رزق الله ويورغو شلهوب ونزيه يوسف وفيفيان أنطونيوس، لتقدّم كيمياء فنية امتدت لسنوات وعكست صداقات حقيقية على الشاشة.

وقالت كارين رزق الله: "أنا ويورغو كانوا الناس كتير متشوقين ليشوفونا سوا، ووقع الاختيار عليه لأنه هالكوبل، إذا بدك أسميه الكوبل الذهبي، يلي العالم بعد 10 أو 11 سنة بعدها بيحضّر هالمسلسل ليشوفونا سوا".

وأضافت أن اختيار بعض الممثلين كان أمنية شخصية لها: "بالنسبة لباقي الممثلين، الصراحة ما كان إلي كتير يد، لأنه المنتج كان عم يختار، بس طرحت بعض الأسماء وتمنيت أن يكونوا موجودين… مثل نزيه وفيفيان".

العلاقة بين كارين رزق الله ونزيه يوسف لا تقف عند حدود التمثيل، بل تتعداها لتصبح صداقة طويلة انعكست على الشاشة أيضًا.

وقالت كارين: "نزيه صديق يجمعنا من سنين، يعني بحس أنه نفس الشخص. لما بدي احكي أو أشكي لحدا، نزيه بيتحمل كل شيء".

ومن جهته، عبّر نزيه يوسف عن سعادته بالعمل مع كارين بعد سنوات، موضحًا: "أنا وكرين، عالاقل 17 سنة كنا على الهواء بمسلسل طويل بأسلوب معين، وهلا بحس أني مع شخص بعرفه منيح، نعمل بطريقة مختلفة، وهذا الشيء بيسهّل العمل ويخليه ممتع وبنّاء".

ومن بين الثنائيات التي يعيد المسلسل تذكير الجمهور بها، علاقة الصداقة بين فيفيان أنطونيوس ويورغو شلهوب.

وقالت فيفيان: "يورغو صديق عزيز من زمان، وهو شخص نظيف جدًا بالوسط الفني وممثل شاطر، دايمًا إيجابي ويشجع الناس، وهذا بيخلي الشخص محاط بطاقة إيجابية".

إلى جانب إعادة الثنائيات القديمة، يبدو أن "المحافظة 15" قد يشهد ولادة ثنائية نسائية جديدة بين كارين وفيفيان.

وقالت كارين: "فيفو على سلامة عينها، ما كنا كتير أصحاب، بحبها على الصعيد المهني، بس بعد هالمسلسل صارت تجمعنا صداقة كبيرة".

وأوضحت فيفيان أن العلاقة بينهما تطورت: "كارين بعرفها من مسلسل قبل، وهلا صارت صداقتنا أعمق وخواتنا هيك. عندي شيء أنا وكارين عم نحضّر له، ما تبلورت الفكرة بعد، بس رح نكون بعمل كوميدي أكيد".

اخبار الاردن على مدار الساعة