فريدة سيف النصر توجه رسالة عتاب: "الكلمة القاسية بتدبح"

أعربت الفنانة المصرية فريدة سيف النصر، عن حزنها بسبب حملات تشويه الفنانين، موجهة ما يشبه رسالة عتاب. وكتب عبر حسابها على موقع التواصل الاجتماعي 'فيسبوك': 'أنا زعلانة علينا كلنا أوي، المصريين أحلى وأطيب وأجدع من كده بكتير، خفة دم وكرم وذوق، إيه اللي حصل؟ ليه بنستخبى ورا شاشات وننزل نحر رقاب بعض'. واستكملت فريدة سيف النصر حديثها: 'الكلمة القاسية بتذبح بقينا نكديين مانعرفش نفرق بين جد هزار كله عايز يتخانق مع كله، إيه ده؟ وكل يوم يعاملوك بوش أو حسب المصلحة'. وتابعت: 'في بعض الناس ماسكين الفنانين وكأن في تار بلا أسباب، دي عجزت ودي كرمشت ودي غيرت دينها وده دمه تقيل وده كبر في السن لكن بيغني وده اتكسح، ودي روحي موتي، كفاية مالكم في إيه، بجد هما الناس دي لم تسعدكم أعمالهم لفترات من الزمن، طيب بلاش إنت مبتحبش فلان غيرك بيحبه، في إيه يا جماعة تحسوا مخطط لهدم الفنانين، القوى الناعمة اللي فاتحين بيوت 14 مليون.. متخيلين'.

وواصلت فريدة حديثها قائلة: 'كل المهن شغالة معانا تحت إيديهم كام عامل وأسطى، كل واحد فيهم عنده أهل وزوجة وأطفال وفي اللي جوز ولاده وعندهم بيوت مفتوحة، بتحاربوا تمن عدد البلد في أكل عيشهم'.

وأنهت فريدة سيف النصر رسالتها قائلة: 'اقروا كدة المسلسل بيكتبه ناس قد إيه عماله في العمل شوفوا وقولولي، كفاية هدد في الفن، الوحش انتقدوه بأدب والكويس شجعوه، إنما تهزأوا فنانين كبار ليه يعني، على فكرة أنا عارفة إنها لجان مستهدفة الفن المصري، والفن عموما ما هو العربي بيصب هنا، هاه قرروا إيه، هنشتم من ورا الشاشة ولا هنقول كلام نصح حلو يا باشا'. كانت آخر أعمال الفنانة فريدة سيف النصر، مسلسل 'موسى' بطولة محمد رمضان وسمية الخشاب إنتاج 2020.