عمرو أديب: خسائر الحكومة من زيادة الوقود أكبر مما قامت بتوفيره

أكد الإعلامي عمرو أديب أن زيادة أسعار الوقود كانت كبيرة مشيرا إلى أن الناس تشعر بالانزعاج خاصة وأن أغلب السلع سوف ترتفع اسعارها.

وقال أديب خلال برنامج "الحكاية" المذاع على قناة "أم بي سي مصر": "أنت عايز تظبط التزاماتك وعايز تظبط الفاتورة بتاعتك ماذا عن فاتورة المواطن؟ أنت لما زودت 2 جنيه في السولار خد عندك بقي نقل ومواصلات وأنا مش بقلك لا تحريض ولا توقعات من بكل كل المواصلات زادت".

وأضاف: "الأنبوبة التجارية اللي حضرتك زودتها مرة واحدة 100 جنيه أي فول وطعمية وأي مطعم كل ده هيزيد وأنبوبة البيت اللي زادت 50 جنيه فجأة".

وتابع: "يا سيادة رئيس الوزراء هو المواطن هيعيش ازاي؟ انت بتنفذ اتفاقك مع الصندوق والصندوق قالك شيل الدعم ولكن مقالكش ازاي".

وواصل: "العيش السياحي من النهاردة وبكرة حاجة من اتنين يا حجمه هيصغر أكل ما هو صغير يا تمنه هيزيد، مقداموش حل لو المازوت والسولار والحاجة اللي بيستخدمها تمنها زاد دا هيبقي على مين؟ الوحيد الخسران هو المواطن".

وأوضح: "حضرتك كدولة أيضا هتخسر من أكتر الأطراف اللي هتخسر بسبب الزيادة الدولة، الدولة بتعمل العيش المدعم وهتتحمل الفرق، بكرة السيد كامل الوزير وزير النقل كل المواصلات والقطارات هل هو هيزودها؟ طيب لو مزودهاش؟ الدولة هتتحمل الدعم".

وأكمل: "انت وفرت كام وخسرت كام؟ الدولة تخسر أكثر من الوفر بتاع البنزين والسولار فهمنا تاني أن دا طلبات الصندوق ودا الاتفاق".

واختتم: "انت لو مزودتهاش حضرتك هتدفع الفرق ولو وزودتها حضرتك عملت مشكلة للناس، اللي بيركب تاكسي النهاردة زيادة واللي بيركب أوبر ومشتقاتها طيب يا جماعة كان بشويش هو اللي بياخد القرار ده مبيفكرش".

اخبار مصر على مدار الساعة