على طريقة حبيبة الشماع.. محاولة خطف فتاة جديدة على يد سائق إندريف| تفاصيل

تداول رواد السوشيال ميديا، منشورًا لفتاة تُدعى حبيبة محمد؛ حيث قامت الفتاة بمشاركة ما حدث لها عبر حسابها الشخصي على موقع التواصل الاجتماعي “فيسبوك” بعد محاولة خطفها على يد سائق إندريف.

وتابعت حبيبة محمد، أنها قامت باستخدام أبليكشن إندريف للذهاب إلى منزلها، وأن سائقا حاول تخديرها، ولكنها تصرفت بشكل سريع وهربت من السيارة على الطريق الصحراوي وبادرت بالصراخ حيث قام السائق بالهروب.

وبدأت الضحية في سرد تفاصيل قصتها عبر صفحتها الشخصية فيسبوك: “أنا مصدقتش إني ممكن أتحط في الموقف دا في يوم من الأيام بس إمبارح وأنا راجعة من الشغل طلبت إندرايف ومن ساعة ما طلبت وهو كان غريب وقالي ربع ساعة وهجيلك وهوا كان على gps قريب جدا، ومن ساعة ماركبت وهوا مش مظبوط وعمال يعمل حاجات غريبة وكان بيكلم ناس غريبة ومتابع مع واحد في الموبايل يقوله أنا دخلت كذا قابلني في الحتة دي، ومتأكدة إنه كان شارب حاجة وكان مش مظبوط”.

وتابعت حبيبة محمد: “السائق قفل كل الشبابيك أول مطلعنا في طريق الصحراوي وفضل مطلع راسه من الشباك اللي جنبه الوحيد اللي سايبه مفتوح، وأنا متأكدة إنه رش حاجة في العربية عشان كان فيه ريحة غريبة جدا، وأنا كنت ابتديت أدوخ ووشي كله نمل ومكنتش شايفة كويس واتصرفت بسرعة وفتحت الباب، وهوا ماشي وقعدت أزعق وقولتله ينزلني وإني عاملة شير لوكيشن لبابايا، ونزلت جريت على الطريق وهوا اتوتر ومشي”.

وأكملت الفتاة خلال منشورها، هو اسمه اللي على الأبليكيشن غير اسمه اللي علي get contact، وحذرت الفتاة متابعيها من الركوب مع هذا السائق حفاظا على سلامتهم قائلة: خلوا بالكو محدش يركب معاه، وهوا طلع مبدأش الرحلة أصلا أنا نفسي أفضحه عشان حرام بنت تتحط في نفس الموقف المرعب دا.

اخبار مصر على مدار الساعة