عملت غلط وتعبت.. الإعلامية داليا فؤاد تنشر رسالة خاصة إلى أمها
klyoum.com
أثارت الإعلامية داليا فؤاد الجدل، في منشور شاركته عبر حسابها الشخصي على فيسبوك تودع فيه والدتها.
وكتبت داليا فؤاد عبر حسابها على فيسبوك: "آسفة إني خليتك تحسي الإحساس أنا متاكدة انه مؤلم وصعب وبذات انك تعبتي معايا بس الموضوع غصب عني مش قادرة أكمل مش قادرة اعافر ولا احارب
والحياه محتاجة طاقة وقوة وقدرتي علي إني أكمل خلصت، ممكن اكون ضعفت ممكن اكون غلط بس غصب عني، عاوزاكي تدعيلي وتفتكريني بالخير مهما حصل وخلي فؤاد يدعيلي".
وتابعت: "أنا يمكن اخترت في الأول كل حاجة في حياتي بعند وكبرياء وحاولت اعافر علشان مخذلكيش واكون ضهرك بس تعبت وقوتي خلصت ووصلت لدرجه إني يا اما اكون وحشه بجد وب ١٠٠ وش علشان الناس تحبني اًو أكون أنا وطبيعيه والناس تختلف عليه مش دة اهم حاجة الأهم كنت انتي وفؤاد
بس حاسه إني مابقتش الظهر والسند بظهر قدام الناس ضحكي الهستيري والبهجه الزائفه وجوايه اكتئاب شديد ووجع وذكريات بتخليني في دوامه وصراع مع النفس".
واستطردت: “هتوحشيني بس أطمني هروح للي خلقني صدقيني هيكون احن عليه من اي حد وعارفة إني عملت غلط بس طمعانه ان ربنا يسمحني هو رحيم نجاني من محنتي والناس دبحتني تعبت من إني من جوايه منهارة بصرخ بصوت عالي وقدام الناس هاديه وببين قوتي وهدوئي وتفاؤلي وطاقة للناس تعبت من تمثيلي إني علطول تمام واني بخير واني قويه تعبت من إني أخبي دموعي وحزني علي حاجات اتخدعت فيها اًو خسرتها كانت ليه كل حاجة تعبت إني اكون كويسة والناس مش كويسة تعبت من حبي لناس ماشفتش منهم غير الغدر والخيانة تعبت من الزعل وارهقت من الحزن ونفسي أتقطع من الجري وراء أحلامي وظهري أتقسم من الحمل والمسؤلية”.
واختتمت: “وصيتي ليكي خلي بالك من نفسك وفؤاد ومريم والكلاب امانة لقد أرهقتني الحياة ولم اقدر علي تحملها سامحيني بحبك”.