شوبير ينتقد اقتراح الحراس الأجانب ويحذر من الدرس السعودي

انتقد أحمد شوبير إغلق الأندية الباب أمام مواهبها، والعمل على استقطاب الصفقات الأجنبية، وهو ما يتسبب في ظواهر سلبية أبرزها فقدان قدرات اللاعبين الصاعدين.

وأضاف شوبير خلال برنامجه الإذاعي: "أنا هقولكم كارثة، في الاجتماع الأخير اللي كانوا بيناقشوا فيه الهبوط والصعود، هناك أحد المسؤولين طلب أنه يفتحوا دخول الحراس الأجانب مرة تانية، قالك وإيه يعني ما هو يعتبر لاعب مثل بقية اللاعبين".

وتابع:"وبعدين عشان يخفف القصة قالك نحليهم حراس أجانب تحت السن زي ما بيحصل في قطر، مش فاهم الناس دي عايزه إيه، يعني لما أجيب حارس تحت 21 سنة طاب لما يبقي عنده 21 سنة أوديه فين؟ أقوله مع السلامة ولا أمضي معاه سنة واحدة".

وواصل:"غير محاولات زيادة اللاعبين الأجانب لـ6 و7 لاعبين، الناس دي مش شايفه معاناة المنتخب السعودي، سواء في التصفيات أو بطولة الخليج بيعاني لأن مفيش لاعيبه عنده بتلعب في الدوري السعودي، اه المحترفين جعلوا الدوري السعودي جميل جدًا، لكن ده أثر على قوام المنتخب".

اخبار مصر على مدار الساعة