عمرو أديب: بشار مشي وترامب رجع.. إيه المانع أن الزمالك يكسب؟

علق الإعلامي عمرو أديب على التوقعات بشأن مباراة القمة بين الأهلي والزمالك والتي تصب أغلبها في مصلحة الفريق الأحمر.

وقال أديب خلال برنامج "الحكاية" المذاع على قناة "إم بي سي مصر": "إيه اللي جرى لفكرة أصل دا ماتش خارج التوقعات وكان دايما بيقولك مش دايما اللي مستواه أحسن هو اللي بيكسب والأهلي عنده قناعه كبيرة أنه هيحسم وفلان وفلان، وكل الحاجات الجميلة دي مبقاش في أصل دي مباراة منعرفش ليها مقاييس".

وأضاف: "يا رب كل السنادي حصلت أشياء كانت مستحيلة أنها تحصل، بشار مشي وترامب رجع يحكم وأشياء كثيرة كانت مستحيلة وحصلت إيه المانع أن الزمالك يكسب".

وأضاف: "يا جماعة فين نظرية الاحتمالات؟ هي نظرية الاحتمالات إيه؟ مش أن الاحتمال يحصل أو ميحصلش، ليه عند الأهلي دايما يحصل وعند الزمالك ميحصلش، الكرة تخبط في حد أو يجي بلنتي أو ييجي أي حاجة".

وتابع: "إيه المانع أن إحنا بكرة جايز نكسب ليه لا؟ ليه دايما لا مينفعش الأهلي هيكسب بس، إيه يا جماعة فين الحوادث والصدف والأشياء العظيمة ليه الزمالك ميكسبش بكرة إن شاء الله الزمالك يكسب وآجي لحضراتكم وأنا سعيد ومبسوط".

ويلتقي الأهلي والزمالك مساء اليوم السبت على ملعب ستاد القاهرة الدولي ضمن منافسات بطولة الدوري الممتاز لكرة القدم.

ومن المقرر أن تقام المباراة في السابعة من مساء السبت ضمن منافسات الأسبوع الخامس عشر من بطولة دورى نايل.

اخبار مصر على مدار الساعة