شوبير يكشف حقيقة مفاوضات الأهلي مع ثنائي بيراميدز: أكلنا خلاص وحلينا

كشف الإعلامي أحمد شوبير، حارس مرمى الأهلي ومنتخب مصر السابق، عن حقيقة ما يتردد بشأن دخول الأهلي في مفاوضات مع الثنائي إبراهيم عادل والمغربي محمد الشيبي، لاعبي فريق بيراميدز.

وقال أحمد شوبير، في تصريحات إذاعية: “مفيش أي تفاوض بين الأهلي ونادي بيراميدز حول محمد الشيبي وإبراهيم عادل، طيب ما إحنا جايبين تريزيجيه وجايبين بن شرقي في الأجنحة، وعندك ناحية اليمين حسين الشحات وطاهر محمد طاهر وعمر كمال عبد الواحد”.

وأوضح: “هو فيه إيه يا جماعة؟ هو هات وكربس وخلاص؟ واعمل لنفسك أزمة؟ هعتبر إن إبراهيم عادل جه لغاية عندك وقالوا لك خد إبراهيم عادي معاك في كأس العالم للأندية طيب النجوم اللي موجودة عندك اللي مكربسة دي تعمل بيهم إيه؟ يا عم أنا كلت وشربت وحليت وشربت الشاي أرجع آخد من تاني وجبة جديدة وأكل جديد طب إزاي؟”.

وأضاف شوبير: “وعندك في الناحية اليمين محمد هاني وعمر كمال والشيبي من أحسن الصفقات في تاريخ مصر وسبب رئيسي في وصولهم للمباراة النهائية، لكن انت أصلا عندك لعيبة”.

اخبار مصر على مدار الساعة