المنتج أحمد السبكي: فيلم الملحد ليس ضد الدين ومنع ظهوره "موت وخراب ديار"
klyoum.com
أكد المنتج أحمد السبكي، أن وزارة الثقافة وجهة الرقابة على الأفلام هم المسؤولين عن مصير فيلم الملحد حتى الآن، قائلا: "الكرة في ملعب الرقابة وأنا كلفت الفيلم وعايز أنزل به السوق وطلبوا مني ملحوظات قبل ذلك وعملتها ولحد دلوقتي مفيش حد بيصد ولا يرد عليا وطلبوا مني الانتظار".
وأضاف أحمد السبكي، خلال مداخلة هاتفية ببرنامج "حديث القاهرة"، مع الإعلامية كريمة عوض، المذاع عبر شاشة القاهرة والناس، أن الاختلاف على الفيلم حال تركزه في الاسم سيغيره على الفور لكن لا توجد قضايا قبل نزول الفيلم، مؤكدا أن فيلم الملحد ليس ضد الدين بل مع الدين والفيلم دعوة جميلة جدا.
وتابع: "فيلم الملحد نظيف جدا وهو مع الدين وليس ضد الدين وكل القضايا المرفوعة ضد الفيلم اللي مرفوعة في المحاكم ليس لها أي ساس من الصحة والفيلم صرفت فيه فلوس كتير ولازم ينزل سينما عشان أعرف أبيعه للمنصات بعد كده واللي بيحصل على فيلم الملحد كده موت وخراب ديار".