مش هقلق على ابني لو بيعمل مساكنة ولبس الرقاصة فيه حرمانية | تصريحات جريئة من دينا

حلت الراقصة دينا، ضيفة على الإعلامية ياسمين الخطيب في برنامج " ورا الشمس " المذاع على قناة " الشمس".

وكشفت دينا عن رأيها في المساكنة ، قائلة :" أنا ابني ولد ومش هبقى قلقانة عليه لو بيعمل مساكنة لكن لو عندي بنت هقطع رقبتها وانا بتكلم عن نفسي كل واحد يلم معزته ".

وقالت دينا :" تصرفات الرجل مش زي تصرفات الست والراجل يمكن  أن يتزوج 4 لكن الست مينفعش تتجوز 4 ".

وأضافت دينا :"  لو الولد عمل مساكنة مش هيأثر فيا نفسيا لكن البنت اتأثر نفسيا وأحب بنتي تخرج من بيتي بنت عشان تتجوز ".

وتابعت دينا :" مينفعش بنتي تعمل كده لكن مقدرش أقول إن البنت اللي بتعمل مساكنة بنت مش كويسة ".

وقالت دينا،:" انا اتجوزت 9 مرات قبل كده في حياتي ومفيش أي جوازة مستخبية ".

وتابعت دينا :" أنا خبيرة في الرجالة بعد تجارب الزواج الكثيرة التي مريت بها"، مضيفة:" أبو ابني توفى ".

وأكملت دينا :" انا عندي مشكلة إن كل الرجالة اللي اتجوزتهم قالولي بطلي رقص فاطلقت، و في أي جوازة سابقة لي كنت برفض أبطل رقص ".

وتحدثت دينا عند مدى حرمانية عملها كراقصة، قائلة:" هناك جزء من الحرمانية في اللبس ".

وقالت دينا :" الرقص لو كان رقصا راقيا هيبقى تمام  "،:" الناس اللي مش بتحب مهنتي  مش عايزة اعرفهم أو اشوفهم ".

وتابعت دينا :" لو واحدة لابسة عباية طويلة ومقفولة مش هيبان  تفاصيل الرقص "، مضيفا:" أنا مش شيخ عشان أقول الرقص حلال أو حرام ".

وأكملت دينا :" انا بحب الرقص وبحترمه وبحترم نفسي  ومش بفكر في الاعتزال .

وقالت دينا :" بعد افتتاحي لأكاديمية الرقص مفيش بلاغ رسمي يتهمني بنشر الفسق والفجور ".

وأضافت دينا :"  كل حاجة ناجحة بتتعرض للهجوم وفي كل المجالات وأي حد ناجح بيتهاجم ".

وتابعت دينا :"  انا بيتعمل فيا بلاغ كل ربع ساعة"،:" مضيفا:" أكاديمية الرقص لا تنشر الفسق والفجور وكل التدريبات تتم في صالات مغلقة ".

واكملت دينا :"  ما ارتديته في افتتاح اكاديمية الرقص الخاص بي هو لبس تدريبات الرقص ".

اخبار مصر على مدار الساعة