امتحانات أكتوبر|أزمة بالمدارس بسبب "كتابتها على السبورة"..والمعلمون والأهالي يستغيثون بالتعليم

شهدت امتحانات شهر أكتوبر لطلاب صفوف النقل في المدارس، شكاوى واستغاثات عديدة، حيث عبر المعلمون وأولياء الأمور عن استيائهم الشديد من إلزام المدارس بكتابة ثلاثة نماذج في كل مادة لـ امتحانات شهر أكتوبر على السبورة لينقل الطلاب الامتحان ويجيبوا على أسئلته، مطالبين وزارة التربية والتعليم بالتدخل لتصحيح هذا الوضع .

قالت أمل وليد: “انا قعدت حصة كاملة اكتب على السبورة 3 نماذج للاختبار، وحقيقي كان متعب وحتى الطلبة كانوا تعبانين من الكتابة وقرار مالوش أي لازمة غير انه عبء ع المعلم وعلى الطالب”.

وقالت زينب مصطفى: ليه مش نموذج واحد للجميع لكل الطلاب زى بعض في مستوى الأسئلة لازم الفذلكة في كل حاجه.

وأضافت سماح شادي: كتابة 3 نماذج امتحانات للشهر على السبورة يتسبب في فوضى عارمة، دي امتحانات بدرجات فعليه يجب تصويرها منعا للغش ومنعا للفوضى اللي ممكن تحصل في الفصل أثناء كتابة 3 نماذج .

وقال أيمن عزام: الوقت مش كافي خالص لكتابة 3 نماذج على السبورة، وبعدين لما طالب ينقل نص الكلام غلط هنا نلوم مين؟.

وأضافت فاطمة جلال: الطالب مش هيلحق ينقل ويحل، خصوصا ان معظم الطلاب بينقلوا غلط لأنهم مش بيشوفوا كويس.

وقال إسلام درويش: اللي بيحصل في امتحانات الشهر دا عبث ، 3 نماذج مختلفة، و أسئلة غير متكافئة في درجة الصعوبة، فين العدل وتكافؤ الفرص؟

اخبار مصر على مدار الساعة