أنغام باكية: أنا مالي بشيرين.. وعيب المقارنة وظلم كبير

ظهرت المطربة أنغام في مداخلة مع لميس الحديدي ببرنامج كلمة أخيرة، وهي بتبكي، ووجهت رسالة لجمهورها بعدما اتهمها البعض إنها تقف وراء الهجوم على شيرين عبد الوهاب بسبب موضوع "البلاي باك" في حفلها بـ مهرجان موازين.

وقالت أنغام: "اللي بيحبني مايقارننيش بحد.. ولا يقلل من حد عشاني ولا يقارن حد بيا.. أنا مالي ومال اللي حصل في حفلة شيرين؟!".

وأضافت: "أنا من سنين بتحمّل تلقيح وكلام كتير منها وسكت، بس لما يوصل الموضوع إني أطلع كأني بعمل مؤامرات، ده ظلم وحرام.. وأنا أكبر من كده وهي كمان أكبر من كده."

وأكدت أن المنتفعين حوالي شيرين هم اللي كبروا الفكرة، وهددت قائلة:

"من النهاردة أي حد هيجيب سيرتي بالسوء، هرفع عليه قضية.. وفعلًا حبست واحد قال كلمة مش كويسة عني."

واختتمت كلامها برسالة لجمهورها:

"أنا مش السبب في اللي بيحصل، وبطلب منكم ما تحطونيش في مقارنة مع أي حد، ادعولي وبلاش تظلِموني."

اخبار مصر على مدار الساعة