أحمد موسى: دعاة الفوضى في 2011 يقومون بالدور نفسه حاليا

أكد الإعلامي أحمد موسى أن من تسببوا في أحداث يناير 2011 يحاولون الآن إعادة الأمر من خلال استخدام نفس الأدوات.

وقال موسى خلال برنامج "على مسؤوليتي" المذاع على قناة "صدى البلد": "نرجع كم سنه للوراء عشان نفتكر اللي بيحصل دلوقتي قبل 2011 وتحديدا في الفتره من 2004 و2005 بدأت في مصر في ذلك الوقت صحف، وقنوات، وبعض من أطلقوا على أنفسهم نشطاء، بعض الناس اللي ادربوا بره، بدأوا يتكلموا على الدولة المصرية".

وأضاف: "بدأت عملية إسقاط على الدولة في ذلك الوقت، واستغلوا أي حدث يحصل، حدث صغير كبر، واشتغل عليه قنوات وجرايد ليل ونهار، وابدأ استغل حاجه الناس وحاجتهم، وابدأ اتكلم على الأكل والشرب وحياه الناس".

وتابع: "بكلمكم على ما قبل 2011، ثاني بقول ما قبل 2011 والناس تشتغل ليل ونهار، وناس تقعد تصرخ في قنوات وجرايد، مانشتات ساخنة جدا، تحرك الأرض، وتسخن الأرض".

وواصل: "بالمناسبة، جميع هؤلاء، كلهم بلا استثناء، هم هم اللي بيقوموا بهذا الدور حاليا، هم ماتغيروش، بنفس الأدوات ونفس الطريقه، يعني يبقى عندهم جديد مثلا؟ وقتها كان يقولوا الحق والرئيس مبارك بيعمل، وحكومة الدكتور نظيف بتعمل، وشرطة والداخلية بتعمل نفس الاشخاص، هم هم".

وأكمل: "حدث ما حدث في يناير 2011 طلعوا تحالفوا مع الإخوان كانوا في الوقت ده بيدعموا الإخوان بمنتهى القوة، فاتحين جريدهم وقنواتهم وبرامجهم للجماعة والمرشدين والخونة، ويلا الإخوان، وياخدوا فرصة".

وأوضح: "كانوا بيقولوا الكلام ده للمواطن البسيط، ويقولوا له يلا ونغير.. بديكم صورة قد تكون غائبه، لكن كنا عايشينها، وحاضرينها، وكنت بكتب وبتكلم مع هؤلاء، واشتبك مع هؤلاء كلهم".

اخبار مصر على مدار الساعة