وفاة الممثل الشاب بهاء الخطيب أثناء لعب كرة القدم

كشف الفنان حسام داغر تفاصيل وفاة الممثل الشاب بهاء الخطيب، كاشفًا عن سبب وفاته مؤكدا أنه رحل بشكل مفاجئ إثر سقوطه أثناء لعب كرة القدم.

وكتب داغر عبر حسابه على موقع «فيسبوك»: «ده لسه متكلمين إنك تيجي تقعد معايا كام يوم في إسكندرية وقلتلك هتحب قعدة بلكونتي على البحر علطول، وقلتلك نخليها في الشتا يكون الجو أحلى? خلاص لا بقى في شتا ولا صيف ولا حاجة.. الناس بتمشي فجأة إزاي كده لا حول ولا قوة إلا بالله. دموعي منشفتش من يوم تيمور وقلبي لسه موجوع، تقوم تمشي فجأة أنت؟ يعني إيه وقع وهو بيلعب كورة مات؟».

وأضاف: «أنا عقلي هيجراله حاجة.. الثبات والعقل والصبر من عندك يا رب.. بهاء الجميل المحترم الطيب، أعرفه من وهو في مسرح الجامعة وقبل المعهد وكبر قدامي ونجح في كل حاجة حتى مجاله وشغله الأساسي جنب التمثيل، لو أعرف إنك هتمشي فجأة كنت قابلتك ومفضلناش نأجلها، ليه يا ربي الطيبين المحترمين بيمشوا فجأة؟ لا حول ولا قوة إلا بالله.. الصبر من عندك يا رب».

وكان خبر وفاة الممثل الشاب بهاء الخطيب قد أثار حالة من الحزن والصدمة في الوسط الفني، حيث نعاه عدد من أصدقائه وزملائه داعين له بالرحمة والمغفرة.

اخبار مصر على مدار الساعة