خالد طلعت يوجه رسالة لمسئولي الزمالك .. تفاصيل

وجه الناقد الرياضي خالد طلعت رسالة خاصة لـ مسئولي نادي الزمالك عبر صفحته على موقع التواصل الاجتماعي فيسبوك.

وكتب خالد طلعت:"الزمالك عنده مشكلة كبيرة جدا ، لتالت موسم على التوالي بيحتل المركز التالت في الدوري

مش كده وبس ده بفارق كبير كمان عن المركز الأول والتاني ، موسم 2023 بفرق 23 نقطة عن الأهلي و13 نقطة عن بيراميدز ، موسم 2024 بفارق 29 نقطة عن الأهلي و23 نقطة عن بيراميدز ، موسم 2025 بفرق 14 نقطة عن الأهلي و12 نقطة عن بيراميدز

رسالة لمسؤولي الزمالك .. (احترس من فضلك .. الزمالك يرجع إلى الخلف)".

وكان قد علق الناقد الرياضي خالد طلعت علي واقعة نجم الاهلي إمام  عاشور عقب تتويج الفريق ببطولة الدوري العام للمرة الثالثة على التوالي.

وكتب خالد طلعت: “اللي عمله إمام عاشور مع أمن الملعب امبارح عشان يدخل بنته تحتفل معاه ، هو نفس اللي عمله شيكابالا بالظبط من 4 سنين عشان يدخل ابنه يحتفل معاه”.

وتابع: “لو شايف ان واحد فيهم صح يبقى لازم تشوف التاني صح ، ولو شايف واحد فيهم غلطان يبقى لازم تشوف التاني غلطان”.

وأضاف: “مينفعش عشان انتمائك انك تقول ان واحد فيهم غلطان والتاني عنده حق !!! كده يبقى معندكش ضمير،و الأهلي والزمالك وامام وشيكابالا مش هينزلوا معانا القبر ولا هيبقوا معانا واحنا بنتحاسب يوم القيامة .. استقيموا يرحمكم الله”.

اخبار مصر على مدار الساعة