أحمد موسى يطالب بإعادة سيد عبد الحفيظ إلى منصب مدير الكرة بالأهلي

طالب الإعلامي أحمد موسى بإعادة سيد عبد الحفيظ مدير الكرة السابق بالنادي الأهلي إلى منصبه، مشيرا إلى أن الأوضاع منذ رحيله لم تكن على ما يرام.

وقال موسي خلال برنامج "على مسؤوليتي" المذاع على قناة "صدى البلد": "محمد رمضان مع تقديري ليه لم يفعل أي شيء من ساعة ما جه، بالمناسبة منذ أن ترك سيد عبد الحفيظ مكانه كمدير كرة في مشكلة في الأهلي".

وأضاف: "سيد عبد الحفيظ كان عامل ضبط وربط حقيقي وخلى اللاعيبة مترابطة مع بعضها هو سيد عبد الحفيظ رجعوه تاني لهذا المكان لمكانه تاني مديرا للكرة مش بكرة ولكن النهاردة".

وتابع: "سيد عبد الحفيظ النهاردة يرجع كابتن رمضان متشكرين ولا شوفنا حاجة ولا شوفنا امارة خالص، مدير الكرة ده محتاج شخصية مع اللاعيبة لأنه ده النادي الأهلي وزي ما شوفنا أساطير قبل كده مدير الكرة بيسيطر على غرفة إزاي مفيش حاجة اسمها هنا ولا هنا هو عليه مسؤولية كبيرة".

وواصل: "سيد عبد الحفيظ هو الحل في هذا التوقيت لو انتوا هتخلوا كولر لنهاية الموسم ومش عايزين تدفعوا فلوسه رجعوا سيد عبد الحفيظ".

واختتم: "عمر سيد ما هيقول لا لو ناديه قاله اتفضل سيد هيقول حاضر دا وقته ودا الوقع اللي مهم يرجع فيه تاني".

اخبار مصر على مدار الساعة