تامر عبد المنعم: "كنت ضد 25 يناير بسبب قربي من عائلة مبارك ومينفعش لما يقعوا أغسل إيدي"
klyoum.com
تحدث الفنان تامر عبد المنعم، عن علاقته بأسرة الرئيس الراحل محمد حسني مبارك ومدى ارتباطه موضحًا أسباب معارضته لثورة 25 يناير.
وقال تامر عبد المنعم خلال لقاؤه ببرنامج "كشف حساب"، الذي تقدمه الإعلامية إنجي هشام على شاشة "هي"،: مدفعتش تمن قربي من عائلة مبارك، أنا بالعكس كسبت احترام ناس كتير، أنا من الناس اللي متفقوش عليا كتير، عندي اعداء كتير، اللي ملهوش فيا احترمني قبل اللي ليا فيه، موقفي واضح وصريح ورجع بيا 15 سنة هعمل نفس اللي عملته.
وتابع تامر عبد المنعم: اعدائي في المقام الأول الاخوان، معندهمش احترام شرف الموت عمري ما ضربت حد من تحت الحزام، انا كنت قريب منهم جدا ومينفعش لما الناس تقع أغسل ايدي، يعني التليفونات تقع وملاقيش خافض حراره لبنتي، نزلت من بيتي لقيت واحد شايل atm على ايده ولابس سروال، اللي كان بيطلع على التليفزيون ييعيط مش مصري. شفنا ايام سودة الله لا يرجعها.
ورذ تامر عبد المنعم على منفعلًا على سؤال: "هل قربك من عائلة فريد الديب سبب قربك من العالم السياسي؟"، ليرد: لا انا اسمي تامر محمد عبد المنعم، وحنان الديب دي ام اولادي وحبيبتي، ومطلقتش مراتي الأخيرة بسبب الخيانة، أنا متجوز حاليًا.
برنامج “كشف حساب" تقدمه الإعلامية إنجي هشام خلال شهر رمضان على شاشة “هي”، من الأحد إلى الأربعاء، في تمام الساعة 12 بعد منتصف الليل، وتستضيف من خلاله عددًا من نجوم الفن، والذين يكشفون العديد من الحكايات الخاصة لأول مرة.