صفية العمري: قفلت السكة في وش رشدي أباظة.. وعيب اللى بيحصل بين بوسى شلبي وأبناء محمود عبدالعزيز
klyoum.com
انتقدت الفنانة صفية العمري الخلاف الدائر بين الإعلامية بوسي شلبي وأبناء الفنان الراحل محمود عبد العزيز على السوشيال ميديا مؤكدة أن اسم محمود عبد العزيز لا يستحق كل ما يحدث على السوشيال ميديا وهو الان بين يدي الله ولا بوسي شلبي تستحق ما يحدث معها.
كما كشفت صفية العمري عن تفاصيل غلق الهاتف في وجه الفنان الكبير الراحل رشدي أباظة مرتين الساعة 3 الفجر.
قالت الفنانة صفية العمري عن أزمة بوسي شلبي وأبناء الفنان الراحل محمود عبد العزيز إنها لا تريد الدخول في تفاصيل حول الأزمة القائمة بسبب الميراث والطلاق لأن في الأول والآخر شيء محزن والكلام فيه يوجع القلب لا الراحل يستاهل أن يتجاب سيرته وهو بين يدي الله مينفعش نشهر باسمه لأى سبب من الأسباب أنا حزينة علشان هو يطلع النهاردة بعد سنين عمره وبعد وفاته اسمه على السوشيال ميديا بالشكل ده ويجرحوا في زوجته وانا مش مبسوطة خالص من اللى بيحصل أبدا أبدا.
كشفت الفنانة صفية العمري تفاصيل جديدة في حياتها الشخصية والفنية خلال لقائها مع الإعلامية ياسمين عز فى برنامج كلام الناس المذاع على قناة ام بي سي مصر.
روت صفية العمري موقف محرج مع الفنان الراحل رشدي أباظة بعد أن أغلقت في وجهه السكة وقالت : قفلت في وش رشدي اباظة السكة مرتين اللي حصل انا كنت لسه في الفن جديدة وكانت التليفونات أرضية فوجئت الساعة 3 الصبح التليفون بيرن وواحد بيقول أنا رشدي أباظة فقلت له عيب يا فندم وقفلت في وشه السكة ورن التليفون تاني وقالي انا رشدي اباظة فقلت له تاني وقفلت السكة في وشه وبعدين اتصلت بي نادية لطفي وقالت لى ازيك يا قطة عايزينك في دور في فيلم وتعالي بكرة الإسكندرية في سيدي جابر وسافرت ليهم وصورت في نفس اليوم.