إعلامي: عموتة يرفض دلع اللاعبين في الأهلي

أشاد محمد فارس، مذيع قناة الأهلي، بالأسلوب الذي يتبعه حسين عموتة، المدير الفني للفريق الأول لكرة القدم بالنادي الأهلي، مؤكدًا إعجابه بعدم وجود أي لاعب يحصل على معاملة خاصة أو يشارك دون بذل أقصى مجهود خلال التدريبات.

وقال فارس: «عجبني جدًا في عموتة إنه مفيش لاعب كان بيتدلع في التدريبات أو معملش مجهود عشان يكون جاهز لماتش برشلونة ولعب، وده يرجعنا للكلام اللي كان بيقوله قبل ما يمسك الأهلي، إن نظام حياتك برا الملعب وجوا الملعب يبقى صح، وتركز في التدريب وتاكل صح وتنام عدد ساعات مظبوطة هتلعب».

وأضاف أن عموتة سيحتاج لبعض الوقت للتعرف بشكل أكبر على إمكانيات لاعبي الأهلي داخل الملعب، مشددًا على ضرورة استمرار المدرب في تطبيق مبدأ عدم وجود استثناءات بين اللاعبين، قائلًا: «لازم يفضل مكمل في إن مفيش لاعب هيتدلع وهيلعب لو هو عنده إمكانيات ميسي».

واختتم محمد فارس حديثه بالتأكيد على ضرورة دعم عموتة والصبر على تجربته، موضحًا أن الالتزام والانضباط سيعودان بالنفع على الأهلي مع مرور الوقت، قائلًا: «إحنا لازم ندعم ده ونصبر، ووالله هتظبط مع الوقت وإحنا الكسبانين».

اخبار مصر على مدار الساعة