الفلوس لحست دماغهم.. أيمن يونس يفتح النار على لاعبي الزمالك
klyoum.com
فتح أيمن يونس، نجم الزمالك السابق النار على لاعبي الفريق الأول لكرة القدم بالقلعة البيضاء، بعد المستوى الذي ظهروا عليه هذا الموسم.
وقال أيمن يونس، في تصريحات عبر فضائية “أون سبورتس”: “شخصية الزمالك مش موجودة في المباريات الماضية، الأداء سيء، الفلوس كلت ولحست عقول اللاعبين، اللاعب نسي إن أهم مأمورية ليه أنه يلعب في الماتش مش يقعد يتفاوض ويتكلم في الفلوس وعايش حياته كلها بطريقة الصنايعية، معاه فلوس يلعب، مش معاه فلوس يتخانق عايز فلوس”.
وأضاف: “لعيبة الزمالك وكتير من لاعبي الدوي المصري مش مركزين، وبالذات في نادي الزمالك وكتير أوي ظهر في النادي الأهلي في الفترة الأخيرة”.
وتابع: “الأهلي عارف يلاقي نفسه ومعاه موارد يضم صفقات مميزة ولكن الزمالك الكواليتي بتاعه قل”.
وأتم: “نادي الزمالك محتاج أكثر من 11 صفقة في الميركاتو الصيفي المقبل”.