مصر.. "خناقة" علاء مبارك وهجوم ساويرس على مصطفى بكري بذكرى ميلاد السيسي يثير تفاعلا

دبي، الإمارات العربية المتحدة (CNN)— استمر السجال بين علاء، نجل الرئيس المصري الأسبق، محمد حسني مبارك، ومصطفى بكري بعد تدوينات أتت بمناسبة ذكرى ميلاد الرئيس المصري، عبدالفتاح السيسي، تفاعلا بين نشطاء على مواقع التواصل الاجتماعي، بعد أن طلب علاء من بكري عدم نسيان ةتاريخ ميلاده.

وهاجم مصطفى بكري، علاء، بتدوينة مطولة، واصفا إياه بـ"المراهق السياسي"، قائلا في جزي منها:" خمس مرات وأنت لا تتوقف عن الهرطقه في حقي، وكل مره أقول: يا واد خليك انت الكبير، علاء مهما راح ولاجيه، لسه برضه مراهق سياسي، بكره يعقل، ولكن طلع رهاني خاسرا، لأنك زي اللي مسكوها طبله هات يا ردح.. قلت: أصبر عليه بكره يكبر ويتعلم معني الحوار الراقي، مفيش فايده، لغاية ما أيقظت (الصعيدي اللي جوايا).."

ورد علاء بنشر مقطع فيديو على صفحته بمنصة إكس (تويتر سابقا) قائلا بتعليق: "يا درش انت كبّرت الحكاية وكان ممكن كلمتين حلوين منك ينهوا الموضوع؛ (كل سنة وانت طيب يا اخ علاء وعقبال مائة سنة مع الاعتذار عن الأكاذيب اللي نشرتها عن الوالد رحمة الله عليه) اما موضوع الصعيدي اللي نايم جواك أنا مش هارد عليه ونكتفي برّد أخواتنا الصعايدة الجدعان عليك في صفحتك.. بالنسبة لصدر حضرتك الواسع وجلدك المنحس كما تفضلت، ده أمر لا يختلف عليه أحد.. أما موضوع المراهقة السياسية… أكيد حضرتك تقصد بيها مواقفك المتلونة؛ من مبارك وعكسه! والإخوان وعكسه! وأحداث يناير وعكسه الخ الخ .. وتلبيه لدعوة حضرتك وبكل أدب ورقي تعال نشاهد أصول الهرطقة.."

ودخل رجل الأعمال المصري، نجيب ساويرس على خط الجدال قائلا بتعليق: "الحقيقة مش قيمة الاستاذ علاء مبارك انه ينزل لمستوي الراجل ده اللي ما أختلفش عليه اتنين! حتى أخوه الله يرحمه قال عليه انه من صغره وهو معرض.."

وتابع ساويرس في تدوينة منفصلة: "لا يمت للصعايدة بصلة اطلاقا".

اخبار مصر على مدار الساعة