والدة وشقيقة السقا تؤدبان مها أحمد

بالأمس هاجمت الفنانة مها_أحمد، النجمين المصريين أحمد_السقا، أمير_كرارة، وكتبت تحكي بعض المواقف التي مرت بها معهما، معتبرة أنهما خذلاها وتكبرا عليها، واستغلت الجدل المثار حول مسلسهما (نسل الأغراب)، وايقاف مخرجه محمد_سامي، وشمتت بهما.

سريعاً ردت والدة السقا وشقيقته على اتهامات مها له، ووجهت كل منهما رسالة قاسية لها دفاعاً عن السقا الذي صمت أمام هجومها المعيب!

قالت والدة السقا: (ع الأصل دور كومبارس فاشلة تتطاول وتسب فنانين كبار وتعلق فشلها عليهم تبحث عن الشهرة بطريقة بذيئة، مهما حاولتي يا كومبارس ليس لك مكان بين الفنانين المحترمين وان طلع العيب من أهل العيب ما يبقاش عيب).

أما شقيقة السقا فقالت: (الكلام ده موجه ليكي يا أستاذة مها، بدل ما تفضلي تمسحي ردي كل شوية أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللي مش عارفة تقولى اسمه بس عرفتى تقولى عليه (ندل) اللي هو أحمد السقا، بس أنا بقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف.. وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش في الحقيقة كفايا دراما وتشويه للناس).

تابعت: (وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده.. نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال).

لا ندري كيف كانت تخفي مها كل هذا الحقد والشماتة طوال هذه الأعوام، بعدما كانت تدعي أن السقا من أعز أصدقائها في الوسط الفني؟

مها أحمد كانت تتحدث عن السقا خلال لقائها في برنامج 'قهوة أشرف' مع الفنان أشرف_عبد_الباقي قبل أعوام قليلة، وعن تجربة الذهاب إلى الجيم معه وقالت حينها: (تعبت كثيرًا وبذلت مجهودًا يفوق الوصف، لكن أحمد ظل جانبي ونصحني كثيرًا، من دونه ربما كنت تركت النادي منذ يومه الأول).

وظهر السقا من قبل في فيديو، يواسي مها في عزاء والدها، وحينها انهارت وبكت على كتفه مما يوضح علاقة الصداقة القوية التي كانت تجمعهما والتي تغيرت فور الإعلان عن وقف التعامل مع المخرج محمد سامي من قبل الشركة المتحدة.