طلاب مصريون يطورون جهازاً بإمكانه فحص السكر في الدم دون ألم

طلاب مصريون يفوزون بالمركز الأول في مسابقة لجامعة جونز هوبكنز

ويؤكد الطلاب الذين يدرسون في الجامعة الأمريكية في القاهرة إن جهاز جلوكوكليب يهدف إلى أن يكون بديلا عن وخز الأصابع أو غيره من اختبارات الدم المؤلمة، مما قد يساعد الملايين من مرضى السكري في جميع أنحاء العالم.

وبيـّن سيف شوكت وهو من طلاب الجامعة الأمريكية قسم هندسة الاتصالات كيفية عمل الجهاز: 'الجهاز ده شبه الجهاز اللي بيقيس الأوكسجين في الدم، المفروض اللي بيقيس بيحط صباعه جوه الجهاز ويا إما بيضغط على زرار أو بيستخدم (تطبيق) الموبايل بتكون متوصلة بالجهاز عن طريق البلوتوث، من ساعة ما بيدوس على الزرار أو بيدوس على التطبيق بيبتدي الجهاز يأخد القرايات عشان يقيس السكر في الدم والقرايات بتظهر على الشاشة على طول وبتظهر أيضا على التطبيق. على التطبيق تقدر تشوف القياسات السابقة، التاريخ بتاعك، وتقدر تشوف شكل تاريخ (المرض) بتاعك عامل إزاي'.

ويستخدم الجهاز التحليل الطيفي للأشعة تحت الحمراء القريبة ويتصل بتطبيق على الهاتف المحمول، مما يتيح وسيلة مريحة وأكثر سهولة لمراقبة مستويات السكر في الدم.

وفاز الجهاز بالمركز الأول في مسابقة تصميم الرعاية الصحية العالمية بجامعة جونز هوبكنز لعام 2022 دعما لمسار الخدمات الصحية الرقمية.

في السياق، قالت مها شطا، وهي من الطلاب المطورين للجهاز: 'طبعا جامعة جونز هوبكنز من أكبر الجامعات في المجال الطبي أو الأجهزة الطبية فلما سمعنا عن المسابقة كنا خلصنا الجهاز بتاعنا وكنا عاملين نموذج أولي للجهاز، فأول ما سمعنا عن المسابقة قدمنا على طول والحمد لله قدرنا نفوز بالجائزة من 120 فريق مشارك في المسابقة'.

ويأمل الطلاب في إجراء المزيد من الاختبارات على الجهاز لطرحه في السوق، كما يوضح الطالب أحمد الغول: 'إحنا شايفين طبعاً في السنين الجاية دي أهم حاجة إن شاء الله إن إحنا نعملها، إن إحنا لازم نشتغل أكتر عالجهاز نوصل بيه لدقة ننافس بها الجهاز التقليدي عشان ساعتها نبقى نفكر إن إحنا نوديه للسوق بس قبل كل ده لازم نتأكد عشان ده جهاز طبي، إن الدقة بتاعته تكون عالية كفاية إن أي حد يقدر يستعمله'.